MaxMara

上流滙

Jumpsuit風雲

2012年08月17日 ~~ 第890期 忽然1周

時裝潮流向來是個大循環,款式翻炒再翻炒。講到近期的 must have item,都算是懶人恩物的 Jumpsuit(連身褲),不少名人、女星爭相追捧。 60年代已流行的連身褲,又稱蛤 乸衣,概念來自美軍的跳傘服。經過多年進化,連身褲由中性設計演變出嫵媚性感味道,成為女士衣櫃的必有 item。

鍾楚紅 線條突出(Good)


Ricky評︰
「呢類單膊衫好易會變女泰山,不過紅姑呢件腰位有 belt,突出整個線條、好 slim,感覺好優雅。紅手鐲、紅唇同紅腳甲油襯埋古銅涼鞋係 good match,如果加埋紅指甲就太驚喇!」

陳慧琳 膊頭養眼(Good)


MaxMara

Ricky評︰
「 Kelly呢款入膊好蝦人 着,加上直腳款,好易變師奶。好彩佢身形靚,個膊頭好靚,成個感覺變得更修長,線條好出。配埋呢個有辮仔 嘅髮型,成個潮咗。」

周汶錡 透視型格(Good)


MaxMara

Ricky評︰
「佢呢身打扮由頭襯到落腳,金色 celine鐲加呢對涼鞋,將佢型格味道表露出 嚟。紅唇再配若隱若現 嘅 deep V款好性感。」

何超雲 打底累事(Bad)


3.1 Phillip Lim

Ricky評︰
「超雲件 jumpsuit好靚,起碼唔會顯得佢肥,襯埋成個 tone都幾好睇。不過佢打底件 top就出事,成副白色眼鏡咁,反而襯件白色 T恤會好好多。」

廖碧兒 毫無品味(Bad)




Ricky評︰
「呢個 cutting顯得佢個 pat位更肥,將佢大件 嘅身形更加突出。件窩釘褸仔,令佢視覺上腰長腳短。髮型又唔襯,完全無 fashion sense,懶型咁!」

黃偉文 配飾幫手(Good)




Ricky評︰
「男士 着 jumpsuit,一係就要 model身材、一係就要有肉地。 Wyman個造型幾得意,配 咗 blingbling頸鏈好有心思,加埋螢光配飾同對彩色鞋,感覺好 sharp,唔似油漆工人。」

另類碎花


Jumpsuit的剪裁變化多端,顏色愈出愈多,除了穩陣的淨色款, sharp爆的碎花款亦頗受歡迎。

劉美君 毫無美感(Bad)




Ricky評︰
「佢個打扮好肉酸,個 pattern好似唔係呢個年代咁。而掛頸款將佢膊頭遮 咗一部分,令佢變得更加細粒,一 啲美感都冇。」

官恩娜 又肥又矮(Bad)


Titicaca

Ricky評︰
「件 jumpsuit令佢好肥,加上花 嘅感覺好娘,成個越南妹咁。頂帽又太大,視覺上又肥又矮, cutting同 pattern都錯晒。」

唔夠高揀窄腳


Jean Paul Gaultier

Jumpsuit是懶人恩物,不過唔易 carry,嬌滴滴女士要注意剪裁,唔係分分鐘變得更矮。星級形象指導 Ricky指︰「 Jumpsuit一件過,唔使襯太多 嘢,不過要揀 啱 cutting先會變得修長。如果唔夠高,切忌揀闊腳款,只會令對腳變得更短。 着呢類衫最緊要加皮帶,腰線先會更突出,加埋高 踭鞋,視覺上就更修長。而顏色方面,淨色會較易 carry,太花 嘅 pattern,好難 着得好睇。」




星級形象指導郭慶彬( Ricky Kwok)近年由形象指導變身為潮店老闆,於銅鑼灣開設時裝店 LAYETTE,專售英國及日本潮牌。

撰文︰蔡靜雯
攝影︰甘承威
部分圖片︰《蘋果日報》

    tvb4life 發表在 痞客邦 留言(0) 人氣()