亂拋煙頭
九龍城嘅街道都有唔少垃圾筒,但雪梨為咗入去身後嘅鞋舖,就冒住被罰千五蚊嘅風險,隨處拋煙頭,真係唔啱呀!

媽咪姐

雪梨盛惠$1500

2012年08月17日 ~~ 第890期 忽然1周

早前,媽咪姐撞到久未露面嘅雪梨,喺九龍城單拖遊街。今年 47歲嘅佢算 keep得唔錯,都有多少家姐米雪嘅「不老真傳」,着住條貼身三個骨褲,望落去都幾纖瘦。嗰日佢第一站去商場入面嘅齋舖,但唔係幫襯喎!

係喺門口攞幾本佛學書。咦,媽咪姐仲以為從前未婚產子嘅一代烈女,依家清心寡慾、修心養性啦,點知佢行出商場,就立即點煙,漠視其他街上嘅行人,不停俾二手煙佢哋食。食煙都算喇,估唔到雪梨仲冇乜公民意識,隨手就將煙頭拋落地。媽咪姐真係睇唔過眼,想罰佢千五蚊呀!


人群扯煙
雪梨煙癮真係深,等過馬路嗰陣都要扯番支先得,難為佢身邊啲路人吸晒佢啲二手煙。


戴超攞書
雪梨戴住黑超去九龍城廣場攞咗兩本佛學書。副超黑成咁,借問聲佢睇唔睇到啲書講乜㗎!

    tvb4life 發表在 痞客邦 留言(0) 人氣()