奔喪回港,劉華拖着朱麗倩,任傳媒影相,間接承認朱麗倩嘅太座地位。

當年今周

劉德華真的假不了

2012年08月17日 ~~ 第890期 忽然1周

細細個,大家都聽過一個古仔叫「華盛頓斬櫻桃樹」。點解華盛頓要主動承認錯誤?真相石沉大海梗係無敵啦,不過佢更加知道,今日唔認,他朝俾人發現仲大鑊。


朱麗倩爸爸病逝,劉華雖有趕赴大馬奔喪,但設法「隱形」,就連送先人上山最後一程亦缺席。至朱父頭七才與朱麗倩到墳前拜祭。

檔案編號第 734期
日期 21/8/2009

顯淺道理,人人明白。但世事總係知易行難。舉個例,大話天王劉德華由 1986年邂逅朱麗倩,一直唔認唔認,成日話有喜訊就會公開。結果 2009年,經傳媒追查之下,發現兩人早於 2008年喺拉斯維加斯結婚。劉華除隱瞞實情,多年來唔俾名份女方嘅行徑更引人爭議。及後朱麗倩爸爸病逝馬來西亞,劉華繼續閃縮,引起網民責難。最後點收科?咪就係「世紀拖手」局住認妻囉。經此一役,劉華亦學精咗,由老婆大肚到生女,都先發制人向外界公布。知錯能改,從善如流,有膊頭兼有埋腰骨。都話劉華應該選特首㗎啦。

持續低調


朱麗倩劉德華 1986年經友人介紹而相戀, 2008年秘婚。多年來一直做劉華背後的女人,默默支持愛郎。


被影即撇
2004年,朱麗倩跟友人消夜,自知身份敏感嘅佢,一發現記者影相,即笠袋走人。


大方撐場
2009年 1月劉華演唱會,朱麗倩坐於場館第一行,罕有大方現身撐愛郎。


早前女兒劉向蕙出生滿月後,劉華亦公開一家人嘅手握手相片,不過未有披露女兒樣貌。


公布大肚
劉華公開與朱麗倩關係後,保持一貫低調,但仍會主動向大眾宣布喜訊。早前朱麗倩大肚,劉華主動於官網上證實消息。

    tvb4life 發表在 痞客邦 留言(0) 人氣()