小特搜

星級飯堂之選

2012年08月17日 ~~ 第890期 忽然1周

媽咪姐日日返公司望住 canteen嘅餐牌就頭痛!餐餐燒味食到嘴都歪,焗豬扒飯一連食足兩日就已經唔想食。至於喺無綫開餐 嘅藝人搵食就得兩大選擇,一係幫襯快餐飯堂,一係就去西餐廳 cafe corner,雖然選擇都係唔多,不過原來不約而同,佢 哋都係食雞多!

胡杏兒飛雞皮


油雞米+檸賓
套餐價:$24

「我今日開工,早、午餐一齊食,最鍾意食油雞米,不過雞皮就唔食。平時我每日都會飲一杯西柚汁,西柚汁可以減肥。肚餓就食生果,肉類我就好少食。屋企人會煲湯,花膠湯同瓜類嘅湯我都好鍾意。」

田蕊妮素食三餐


「聽人講做呢行要少食少餐先會瘦,但我肥,我要一日三餐,不過份量就少少,今日食碎蛋沙律牛角包。我朝早食澱粉質,夜晚食雜菜,近呢兩年過咗夜晚 6點就唔食澱粉質。因為食咗 6年齋,我會食維他命丸補充不足。」




牛角包+凍檸茶
套餐價:$28

黃智雯無辣不歡


「我係無辣不歡,就算呢餐食雞肉米線,我都會加好多辣椒油。而早餐我一定係食三文治同咖啡,拍劇時我會食得豐富啲,食澱粉質先有 energy。」




雞肉米線+凍檸茶少甜
套餐價:$20

魏焌皓食肉獸


「早餐我一定要食蛋,最鍾意食雞肉,今日就食雞髀沙律,晚餐一定要有菜有肉。」




雞髀沙律+凍檸水
套餐價:$20

張慧雯晚餐戒飯


芝士火腿治+檸水
套餐價:$20

「我早午餐會喺 11、 12點食,晚餐會 5、 6點食。今餐揀芝士火腿治係因為我鍾意食芝士、乳酪類嘅食物。我好易肥,所以我晚餐會食少啲飯。」

    tvb4life 發表在 痞客邦 留言(0) 人氣()