係咪我累咗你呀?(設計對白)
唔驚喎!大把人撐我。(設計對白)
今年 5月,大班鄭經翰仲請咗選唔到特首嘅唐英年上電台做訪問,兩人交情唔錯。唔知今次「被摺埋」,同呢啲嘢關唔關事呢?《蘋果日報》圖片

媽咪姐

大班電台玩完 樓南光撐盡 洪朝豐快閃

2012年08月17日 ~~ 第890期 忽然1周

鄭大班主理 嘅 dbc數碼電台今年 2月先正式啟播,當時重金禮聘 咗梁思浩、洪朝豐、梁繼璋等做節目主持,估唔到 run咗半年就要摺埋, 嚟緊 9月 11日停播,正式同大家講 bye bye。

有報道指投資億五 嘅數碼電台,請節目主持都用半億,單係梁思浩就佔 咗千五萬。係咪洗大 咗個頭搞到要停播就唔知,但早幾日 dbc員工分別收到「大信封」,講明下月 10日係 last day,以「股東不再注資」為停播理由。
不過唔少員工依然盡最後努力救電台,好似主持樓南光就喺上周六( 11日)專登上街,叫大家支持 dbc,仲話:「我由 8月 1日開始唔收錢繼續做主持。(係咪好高人工搵你做主持?)只可以講大班俾我 嘅人工係優厚。以我所知,大班話想買埋其他股份都唔得,政府擺明要滅聲。」
不過有人支持,有人亦「大難臨頭各自飛」。開台已坐鎮 dbc嘅洪朝豐,一知道要減人工,兩個月前已執包袱離開,佢同媽咪姐講:「我對自己所做 嘅事唔會後悔,當時大班話我要減三分一人工,我知道比其他人減得算係少,不過 dbc嘅事我唔想再回應。」而鄭大班不在港,一直未有回覆。咩原因都好啦,香港市民又少 咗個發聲平台,絕對係一個損失囉。


樓南光聯同一班有心員工喺旺角行人專用區擺陣嗌咪,話「拒絕政治打壓」,有過百市民圍觀。


樓南光喺 dbc主持兩個節目,收聽率都唔錯,難怪佢講起電台被打壓,特別激動。


唔少市民寄支票去電台俾大班,想救番個台。大班話依家唔會兌現,等一切定落嚟,就會公布支持方案。

快閃黨


《 Face》圖片

上年 11月,洪朝豐獲重金禮聘做主持,仲高調開 DJ訓練班。但佢兩個月前收到風話電台有事,已即閃。

親班派




千五萬袋袋平安 嘅梁思浩話:「我會做到最後一分鐘,會繼續支持 dbc,現時工作好開心,公司出糧依然準時,亦未曾減過人工,依家都有唔捨得!」《蘋果日報》圖片


好多 dbc主持收到「大信封」後都好傷感,梁繼璋話:「雖然 喺度工作唔夠一年,但都有感情,呢排做節目心情都受影響,我會做到最後一刻先離開,之後再打算。」

    tvb4life 發表在 痞客邦 留言(0) 人氣()