插圖: Wendy

揞名爆

「 5蚊眼」包起老公

2012年08月10日 ~~ 第889期 忽然1周

媽咪姐見「 5蚊眼」終於拋開從前嘅執着,嫁咗個老外,開開心心咁榮升靚太,都真係好戥佢高興㗎!講真,一個女人仔就算事業再好,始終都想搵個膊頭挨吓嘅。
不過有圈中二五就同媽咪姐講:「幸福係有代價嘅!『 5蚊眼』今次為佢老公付出唔少㗎。」原來呢位多棲女星為咗同老公仔好好享受二人世界,特登喺中半山買咗層豪宅做愛巢。供樓,當然由搵落唔少嘅「 5蚊眼」負責!咁其他家庭日用品同水電煤氣費呢? Well,大部分都由呢位好老婆包起!但係老公仔有時都會俾吓錢,根據老外慣例, AA制囉。
其實兩公婆又唔使計得咁清楚嘅!只係男人肯為你付出幾多,好多時就係佢有幾愛你嘅憑證。媽咪姐就覺得「 5蚊眼」一向好強,但都唔使乜都孭起晒嘅,間唔中俾啲責任啲男人負吓,夫妻關係會仲 sweet啲㗎!

    tvb4life 發表在 痞客邦 留言(0) 人氣()