句句金

句句金

2012年08月10日 ~~ 第889期 忽然1周

安仔、 Sammi被指 10月日本輕井澤結婚。
男方日前出席活動例牌否認,仲自以為搞笑咁話:杜汶澤我就識,輕井澤我唔識。
媽咪姐只有一句:爛 gag聽得多,爛成咁未聽過!




羅敏莊早前腹大便便出席嬰兒用品展覽,表示決定餵母乳,更笑言,
如果到時有咁多就俾老公沖涼啦。
嘩,你都好闊綽下喎。如果有錢多,可唔可以俾啲媽咪姐使?




導演麥兆輝、莊文強宣傳新作《聽風者》時,大爆梁朝偉將獎座亂咁擺。日前影帝否認其事,只係唔鍾意將獎座炫耀家中,
放喺大家睇唔到嘅地方仲好。
李嘉誠都視富貴如浮雲啦,梁朝偉擺獎座於地下,又有幾出奇。




《低俗喜劇》因題材敏感,未能於內地上映。不過導演彭浩翔認為百分百呈現自己創作比賺錢更重要:
唔使被閹割,值得!
如果入內地,少不免要迎合強國人口味,分分鐘連廣東話都變埋普通話。彭導咁捍衞香港文化,致敬!

有傳舒淇跟馮德倫蜜運中,但未知感情是否亮紅燈,女方日前於微博留言:
若愛、請深愛;如棄,請徹底!
感情拖拖拉拉從來冇好結果,但意氣用事都冇意思。奉勸佢哋兩個:珍惜眼前人啦。





    tvb4life 發表在 痞客邦 留言(0) 人氣()