佐佐木希之所以吸引加藤凌平,好大原因佢有對大眼,開正加藤對大眼妹情有獨鍾嗰瓣啦。

出外埠

佐佐木希靠加藤凌平翻生

2012年08月10日 ~~ 第889期 忽然1周

講真,媽咪姐都係哈日迷,但對佐佐木希呢,真係唔多注意噃。最近 24歲 嘅佢突然好紅,紅到連帶早前發行 嘅寫真集都大賣。


女神啊,請賜我力量吧!(設計對白)

佐佐木希話就話歌、影、模三棲,但一直半紅不黑,所以近呢兩年都好似專職拍寫真集咁,出到沒完沒了。為乜今次呢輯寫真會咁墟 冚?講起就真係要多得日本體操花美男加藤凌平唔少囉。
話說 喺今屆倫奧入面,靚仔靚女特別多,其中 19歲 嘅加藤凌平更 冧死全球少女。唔講唔知,佐佐木希竟然係佢女神喎。今次去倫奧,加藤將佐佐木希送俾佢 嘅親筆簽名相帶埋去,仲肉麻到話呢張相係佢 嘅「隨身之寶」﹗就因為得到國寶級 嘅加藤「豪情愛語」,佐佐木希人氣即時彈起。一句話,勝過捱十年呀!




得到加藤凌平帶挈人氣翻生嘅佐佐木希,最近傳出同尊尼事務所嘅二宮和也拍拖。


據講加藤呢個落馬後低頭一笑嘅「美貌」,迷倒一個女評判,竟然俾咗加藤全場最高分。


佐佐木希送俾加藤嘅親筆簽名相,本來平凡過乜,但卻成為加藤隨身之寶。


哼,有萬人迷睇中梗係好啦,但因住變成全球女性公敵呀﹗

    tvb4life 發表在 痞客邦 留言(0) 人氣()