我得寵:囂屎比熊絕後 關心妍認錯 

關心妍和老公結婚後, Yogi和關媽媽住,但牠見 Jade時仍很黐身。攝影:陳慧安
Yogi
年齡:12歲
品種:比熊
性別:雄性

關心妍( Jade)與母親一向感情要好,12年前因為怕入行後沒時間陪母親,決定找個愛的替身,比熊犬 Yogi被選中,肩負這個重任,高傲的 Yogi勝任有餘,更成為她們家重要的一員,不過太早為 Yogi絕育,令 Jade十分後悔。
撰文:胡比

關心妍表示由細到大都沒想過要養寵物,直到12年前入行當歌手,一向跟母親感情要好的她,怕日後工作太忙,無暇陪伴母親,二人商量後,便到寵物店看看,在沒有認知和特別要求下,她們看到兩隻白雪雪小狗,一男一女,兩隻樣子都可愛非常。
當 Jade抱起小狗女時,狗女沒怎樣反應,依舊懶洋洋的攤在她懷中,但當抱起另一隻狗仔時,狗仔即眼仔睩睩,搖頭又擺尾,討人歡心又非常精靈,隔日 Jade對牠念念不忘,即往寵物店將牠買回家,據為己有。 Jade說:「其實佢哋兩隻係兄妹嚟㗎,早知嗰時就要埋妹妹,等佢可以一家團聚。」
Yogi現在12歲, Jade表示跟母親由起初對養狗一無所知,到現時教曉牠去廁所,做出請請、轉圈和畀手這些動作,過程好比教小朋友般艱辛, Jade笑言:「起初見到媽咪教佢,仲勞氣過教我細個嘅時候,見媽咪鬧得佢好緊要,我有時都忍唔住出聲,叫媽咪要有耐性,好搞笑。」



Jade出動 Yogi至愛零食,牠即乖乖聽指令瞓在地上。 

Yogi樣子可愛,難怪 Jade對他一見鍾情。 後悔太早絕育

Yogi未夠一歲已做了絕育手術, Jade提起有點後悔:「當時唔係好識,聽人哋講如果一歲前同佢絕育,佢就會長命啲,因為如果太大先絕育,會對佢心理有影響,但係家佢成12歲,我都怕佢唔喺度時,我同媽咪都接受唔到,都希望佢嘅下一代可以繼續同我哋一齊。」 Jade表示老公楊長智也是愛狗之人,本來有打算領養,但卻被身邊朋友阻止,她說:「啲朋友話你哋咪養狗啦,快啲努力造人,養 BB好過啦,跟住就 hold住咗。」
Jade表示 Yogi是醋酲,她未結婚時,當時還是男朋友的楊長智到訪她家時,二人坐在梳化上看電視, Yogi就顯得不悅,即跳上梳化硬要夾在二人中間,後來老公常出現, Yogi才慢慢放下戒心,現在 Yogi最怕的竟然是其老公, Jade說:「有時帶 Yogi嚟我屋企,我老公好嚴厲,好多地方都唔畀佢入,只可以喺廳,佢知我老公惡,就會聽話,唔敢恰佢。」
除懂得呷醋, Yogi也是性格小生,就如拍照當日, Jade叫牠錫錫姐姐影張靚相,第一次很聽話,之後再叫,誓不服從,還將頭擰向一旁,一副愛理不理的模樣,令 Jade哭笑不得,她笑說:「佢就係咁㗎,好高傲,做咗一次嘅嘢,唔願再做多次,叫佢幾多次,唔睬你就係唔睬你,有性格到不得了。」



雖然 Yogi已12歲,不過當 Jade跟牠玩耍時依然很活躍。 

Yogi得到 Jade母女悉心照顧,外形和體能依然保持得很好。 愛犬吻乾眼淚

雖然高傲,但 Yogi最懂討 Jade歡心,入行後 Jade曾有段時間很失落,回家忍不住哭,當時 Yogi看着淚流披面的她,默默在旁守候,還吻去她臉上的淚,那刻 Jade感動得無法形容,窩心非常,自此, Yogi成為 Jade的傾訴對象,她笑言:「同佢講最好,又唔驚佢爆料,又任我講。」

同 Eason一家親

頭圓圓、耳仔小小、眼仔睩睩的比熊犬,性格溫和活潑,體形不算巨大,因而深受歡迎,除了關心妍外,陳奕迅( Eason)養的也是比熊犬,他的其中一隻比熊更是 Yogi的媽媽, Jade說:「起初我都唔知,原來佢哋有血緣關係,都係寵物店話我知,後來見到 Eason講開,先知原來我哋嘅狗係一家人, Yogi都有試過喺寵物店同佢媽媽重遇,不過佢應該都唔認得媽咪囉。」
場地提供: Dog side cafe

    tvb4life 發表在 痞客邦 留言(0) 人氣()