卓飛辦公室放滿朋友送的 A貨外星人標本,他在網台及電視大爆世界機密,不擔心被暗殺嗎?「我爆 嘅 嘢其實好多外國傳媒都講過啦,只係香港人唔留意,我呢度或者有人裝偷聽器 㗎,我都無理,食 嘢都唔會小心,要死就死 㗎啦!」

搜尋氣

卓飛 話我傻佬無所謂

2012年08月01日 ~~ 第271期 Face

卓飛(朱偉恩), 42歲, UFO及神秘事件愛好者,最近頻上無 綫 J2台《 Big Boys Club》當嘉賓,大爆驚世陰謀及神秘事件。除了一般 UFO,卓飛一時話有巴西預言家兩年前已預言梁振英會當選香港特首,又話米高積遜生前收到神秘電話才避過 911事件等,樣樣講到似層層。
其實他是網上電台 Sourcewadio總監,主持節目《 MJ13》儲落大班 fans,又曾在 LeeDeeRadio主持過 3輯《山城搜奇》,雖然有人批評他是傻佬,但他仍堅持以自己把口去警惕世人,信不信由你!


我十幾歲時,哥哥買 咗兩本書係講 UFO嘅,從此我就好有興趣,但因為我患有讀寫障礙,只係睇得明圖片,文字都要阿哥解釋;我讀書成績好差,會考 嗰陣人 哋溫數學,我就睇本《百慕達三角洲》,仲攞本「露營手冊」 嚟遮住,怕俾同學笑我!
我每日會用五、六個鐘去睇資料,對讀寫障礙 嘅人 嚟講已好辛苦。太太係我做 marketing時認識 嘅,佢對古靈精怪 嘢冇乜興趣,所以返到屋企,我做番個平凡老公囉!結婚 4年冇諗過生 BB,因為呢個世界愈 嚟愈差,世界所有 嘢都係假 嘅!夏韶聲都講 UFO,我見過佢,覺得佢都係有根有據,不過佢本漫畫太貴,所以冇買,之後亦冇聯絡。
我遇過好多奇事,好似 911原本我會搭其中一班機,但 瞓過龍上唔到機逃過一劫,但我冇諗係咪有人幫我,我亦唔相信宗教,我會歸納為人生軌跡,每件事都係有因果 嘅。人 哋話我係傻佬,我冇所謂,雖然我都唔係好正常,哈哈!當我講 嘅 嘢大部分人接受唔到,我咪傻佬囉!


在《 Big Boys Club》大談外星人檔案的卓飛,被問到自己恨唔恨被外星人捉走,他苦思 6秒後回答:「返得到 嚟就恨囉,有 啲 劏 咗返唔到 嚟 㗎,我好想接觸吓外星人 嘅!」


08年在 LeeDeeRadio主持的《山城搜奇》大受歡迎,做了 3輯,卓飛便被挖角,加盟源網台開咪繼續講 UFO。


卓飛於源網台的開咪節目《 MJ13》反應不俗,每集都有過萬收聽率。

撰文:何志衡
攝影:楊學

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()