林二汶收養了被遺棄的芝娃娃,改名林四,有時間便帶牠散步。
攝影:陳順禎

一個月前 facebook上有人張貼了一張九隻芝娃娃的照片,有人因經濟問題照顧不到九隻狗 BB,於是在網上尋求幫助。林二汶看到,跟家人商量下便帶了其中一隻現已改名為林四的小狗回家。現時林四當正自己是林爸爸的愛人,在家中地位超然,家人夜瞓,牠會鬧人。撰文:李珮洳

由一個主人遺棄動物的故事開始,不過今次事主是無奈地放棄九隻芝娃娃小狗,林二汶表示個多月前在 facebook見到一張圖片,是一狗主為小狗尋求新主人,她說:「呢個狗主好似係因為經濟問題,養唔到咁多隻狗,最後佢放晒啲狗 BB相喺網上搵人領養,自己就 keep番晒啲老狗,聽聞佢因為要搬返去同屋企人住,養唔到咁多隻狗。」



林四( Lindsay)
年齡:1歲
體重:3磅多
品種:芝娃娃
性別:雌性
林四性格活潑又動作多多,相當可愛,難怪獲得林二汶一家人的愛護。 

雖然林四身形嬌小,不過當二汶帶牠出街,牠都會興奮得跳來跳去。 

林二汶拖着細小的林四出街,相映成趣,但其實她要很小心以免踩到牠。 黐林爸爸變小三

二汶從 facebook的相片中,第一眼就看中了當時名叫 pig pig豬,現已改名為林四的一隻,她說:「因為爸爸退休,都想養隻狗,但我哋一直堅持唔買狗,知道好多寵物店都好唔人道,我哋唔想鼓吹大家買狗,要養就去領養。」二汶透露林四原本的主人,會定期致電她查問小狗的情況:「我 feel到佢係好無奈放棄呢班狗仔,佢都好有心,成日問住阿四家點,絕對唔係嗰啲拍拍籮柚就走咗去嘅無良主人。」
拍攝當日林爸爸及林媽媽都在場,只見林四的目光沒有離開過林爸爸。林四對於林爸爸每一個指令,都即時服從,而且做出多次「請請」的手勢。就算林二汶抱着牠,阿四的目光都是緊緊地盯着在遠處的爸爸,二汶笑言阿四當正自己是爸爸的情人,她說:「呢隻八妹乜都關佢事,有一次阿爸阿媽上網好夜未瞓,佢走出嚟鬧佢哋,同埋佢唔係咁鍾意阿哥(林一峰),因為阿哥會鬧佢,佢係一隻好愛恨分明嘅狗。」



自從二汶帶了林四回家,深受家人痛錫,林爸爸更親自餵水給牠飲。 籲養寵物要三思

養狗最考耐性就是訓練牠們上廁所,林家花了兩星期訓練林四,二汶表示每次都要指示小狗去一個正確位置,她說:「如果屙錯位,就要鬧佢,之後就要用辟尿味嘅清潔劑抹番,佢都算聰明,兩個禮拜就學識。」最後二汶一再叮囑養任何寵物前一定要三思,她說:「一隻貓又好狗又好,佢唔係物件,當佢進入你生活之後,佢就係你嘅一部份。你同情人分手,佢哋自己識搞掂,但你遺棄一隻小動物,佢哋唔識咁做。」

蜜糖水隨身救命

由於芝娃娃的身形非常細小,所以主人的一舉一動都要十分小心。二汶表示林四最愛跟着他們腳邊一起行,故此她每行一步都要非常小心,以免踩到牠。芝娃娃的眼睛又通常比較突,二汶提醒大家摸芝娃娃頭部時要小心,免得一手插到小狗的眼睛。

玩得激係咁震

林四更有血糖低的情況出現,二汶說:「由於呢種狗太細,好易血糖低,阿四有時玩得太激就會突然間冇電咁係咁震,所以我哋隨身有樽開淡咗嘅蜜糖水,等佢補充糖份,但係絕對唔可以太甜,咁會影響佢身體。」

    tvb4life 發表在 痞客邦 留言(0) 人氣()