句句金

句句金

2012年07月27日 ~~ 第887期 忽然1周

林峯將入行至今嘅相片輯錄成寫真,可怕被指樣貌不同?佢避重就輕回答:
我個樣幾彈性。
咁真係好彈吓喎。咁借問聲邊個醫生可以整到咁彈呢?




早前喺九展開騷嘅衞蘭被指肥爆,身為演唱會音樂總監嘅側田幫手平反:
我都唔覺你肥。
嘩,呢個係今周最大謊言。




點知衞蘭不識好歹回應側田:
我都唔覺得你矮。
人哋幫口啫,你就無端端燒埋人哋嗰疊,今周最以怨報德,非你莫屬。




商台 DJ余迪偉以女性打扮到書展為新書造勢,令人懷疑其性取向。佢雖冇正面回答,卻開玩笑歡迎大眾查詢,
試吓同我瞓咪知囉。
瞓完會唔會渣都冇㗎?媽咪姐都係停一停,諗一諗先……




去書展「搗亂」已經成為 𡃁模嘅指定動作,身為其中之一嘅 Lavina早前低胸踩場,被問到會否影響社會風氣?佢狡辯回答:
女仔着得性感,唔代表可以被男仔侵犯。
某程度,啱嘅。不過搞清一樣嘢先,性感可以係美感,不過暴露絕對教壞細路。佢係性感定暴露,大家心中有數!

    tvb4life 發表在 痞客邦 留言(0) 人氣()