出外埠

奧運超新星 跳水接班人

2012年07月27日 ~~ 第887期 忽然1周

2012嘅奧運會呢個星期開鑼啦,反正近年全球發生咁多 嘢,最好趁呢件盛事 嚟沖喜吓。講起 嚟,媽咪姐始終係女人仔,對運動又唔算真係好熟識,鍾意睇奧運,無非都係睇 啲靚仔靚女運動員 啫﹗咁多項運動中,媽咪姐最鍾意跳水項目,雖然田亮同郭晶晶退役,仍然好風光吓喎。好似男子十米台 嘅邱波、女子三米板 嘅何姿。一個係「另一個田亮」、一個係「郭晶晶接班人」,猛料 嚟 㗎。

下一個田亮邱波


2008年先正式入國家隊嘅邱波,主打 10米高台, 17歲時刷新男子單人 10米高台得分紀錄,引起世界關注。佢亦係第一個喺國際大賽中得到超過 600分嘅選手。


邱波被譽為「下一個田亮」原因,除跳水實力外,佢同田亮都係四川人,兩個都係身材唔高,但就眼大大面目清秀類型。


邱波喺世界錦標賽力壓英國跳水神童戴利(左)奪金,難怪英國人話喺今屆倫奧最唔想見嘅人係邱波。


19歲嘅邱波喺舊年嘅世界盃北京站,以一個向前翻騰 4周半抱膝高難度動作,獲 111滿分,嚇窒跳水界。

跳水新一姐何姿


何姿剛於早前舉辦嘅「 2012年第 189屆國際泳聯跳水世界盃」獲得冠軍。難怪俾中國跳水隊視為今季奧運會嘅撒手鐧。




郭晶晶退役後,女子 3米雙人跳就由何姿拍吳敏霞。兩人於 2011-2012中國跳水明星系列賽(武漢站)暨倫敦奧運會選拔賽奪金。


何姿早前為雜誌拍過一輯寫真,青春、性感兼而有之。相信何姿將會似當年蛙后羅雪娟一樣,成為奧運會傳媒關注目標。


喺賽場下嘅何姿,除咗實力外,同時亦擁有漂亮的外貌。呢位 90後跳水皇后,肯定成為媒體關注焦點。


你哋一定得,加油!


我等住做少奶奶,跳水隊就交俾你哋嘞。

    tvb4life 發表在 痞客邦 留言(0) 人氣()