戴得上手 嘅錶如果要就住怕整花,咁就冇癮啦!我鍾意錶面大 啲、厚 啲,襯我粗獷外形嘛! 啱晒我《飛虎》 嘅形象。

小特搜

錶星

2012年07月27日 ~~ 第887期 忽然1周

近排電視圈市道好,連帶藝員都富貴晒,佢 哋戴 嘅手錶閒閒地都十萬八萬。今次就由媽咪姐搜吓佢 哋戴乜 嘢錶啦!好似馬德鐘咁,佢隻限量版 JAEGER-LE COULTRE要 30萬先有交易。馬德鐘仲好神氣咁話:「呢隻係平時粗戴 嘅,都唔記得 喺邊度買,好似 喺東南亞!」
至於感情失意 嘅吳卓羲惟有寄情手錶,佢隻全球限量 PANERAI盛惠 18萬:「男人梗係鍾意儲手錶、玩吓車咁啦!」原來除 咗張馨予,手錶都係佢「飛佛」。

馬德鐘貴錶粗戴


JAEGER-LE COULTRE係全球十大名錶之一,同伯爵、江詩丹頓同級。當日馬德鐘戴住呢隻有世界時間同鬧錶功能、價值 30萬靚錶出席《飛虎》老人中心活動,不過班公公婆婆未必識欣賞喎!

牌子: JAEGER-LE COULTRE
價錢: 30萬
邊度買:東南亞

吳卓羲鍾情黑色


我不嬲有玩開錶,十隻八隻替換點都有,男人最鍾意呢味 嘢。

吳卓羲近日忙住趕拍《戀愛季節》,月尾即接住拍《衝上雲霄 2》,咁多工作又咁多儲 嘢嗜好,佢應該唔得閒為失戀而傷心啦!

牌子: PANERAI
價錢: 18萬
邊度買:香港

袁偉豪獨愛黑膠


我自己好鍾意黑色錶肉,配埋黑膠錶帶就一流。黑色夠型又唔怕污糟,係我 嘅至愛。

袁偉豪聲稱向來欣賞 BACK CHANNEL呢個牌子,貪佢大多款式都係黑色。咁識賣口乖,抵你有贊助 嘅。

牌子: BACK CHANNEL
價錢: 2千
邊度買:贊助

王浩信扮軍佬


我鍾意 PANERAI嘅英軍錶, young得 嚟又夠 man,錶肉大隻又夠厚,大大隻包唔會睇錯時間!

近排一放工就趕住返屋企湊囡囡 嘅王浩信,萬事以囡囡行先:「以前鍾意買 啲靚錶自己,依家有錢都會儲起留番俾個女啦!」

牌子: PANERAI
價錢: 8萬
邊度買:香港

單立文戴錯手


有次出席活動時大會送 咗呢隻錶俾我, 嗰次有獎金有獎品,隻錶又 啱心水,真係唔錯。

豹哥(單立文)隻 GRAHAM係左「的」,通常會戴右手,唔會頂住之餘亦方便自己上鏈,但豹哥依然堅持戴左手,果然有性格。

牌子: GRAHAM
價錢: 6萬
邊度買:出席活動獲贈

    tvb4life 發表在 痞客邦 留言(0) 人氣()