機場擔遮
容祖兒去台灣宣傳國語專輯,騎呢到 喺香港機場室內地方擔遮影相。扁晒嘴 嘅祖兒,係咪諗起要同師兄分隔異地,個樣先咁可憐呢?

博出位

祖師戀寄情工作

2012年07月27日 ~~ 第887期 忽然1周

容祖兒同劉浩龍早前搞出勁高調 嘅「祖師戀」,點知外界唔多接受,造成反效果。近日兩人不約而同放晒 啲「工作相」上微博,一心淡化戀情。
祖兒宣傳國語新碟,去完北京又去台灣。「大明星」劉浩龍呢期留晒鬚拍王維基電視劇《第二人生》,周一(23日)三號風球都照拍外景,無非想大家知佢有幾勤力啫。嘩!咁上進睇 嚟好快上位做一線小生,到時咪唔使再俾人話女尊男卑囉!




台灣食麻辣
祖兒未出發去台灣,已急不及待食碗麻辣米線,不過張相只係影住一碗米線,祖兒唔係食自己咁寂寞嘛?


猛男傍身
祖兒冇師兄在旁,都唔憂身邊冇猛男陪伴。呢班黑超工作人員都好型仔喎!難怪有網友忍唔住話是但搵個都有型過劉浩龍啦!


三號波開工
劉浩龍上月高調承認同祖兒拍拖,今次又高調地話俾大家知佢三號風球下都要開工。好可惜咁勤力,都博唔到網友讚佢一句。


打好關係
劉浩龍準備投身電視圈做小生,雖然仲未上位做到主角,但見佢同劇中父親郭峰合照相 嚟睇,師兄同劇中演員關係都唔錯喎!


網友插爆毒龍
自從「祖師戀」戀情曝光後,劉浩龍形象插水,被指靠祖兒上位兼扮大牌,仲俾人冠以「劉毒龍」惡名。劉浩龍每次上載相片到微博,都惹來網友留言圍插。

    tvb4life 發表在 痞客邦 留言(0) 人氣()