有辦你睇,跟我包你幸福又富貴!﹙設計對白﹚

忽然去片

跟玲玲師傅睇樓學風水!

2012年07月27日 ~~ 第887期 忽然1周

吖,呢期「星悅居」啲片真係幾盞鬼!
之前幾期,媽咪姐已經追住睇,登堂入室喎,幾多嘢八呀。點知今期仲正!
睇勻麥玲玲師傅間屋之餘,佢仲教埋點擺風水陣,用乜嘢風水擺設好,勁實用呀!咦,睇片先知原來佢鍾意睇烹飪書,仲同媽咪姐一樣係靚仔廚師 Jacky Yu粉絲,果然有 taste吖。

《忽周》睇真啲正片唔好 miss!









阿 Paul收火未?


阿 Paul(黃貫中)之前開騷,啲是非未停過,佢喺微博、 facebook鬧爆某部分傳媒,跟住有傳媒高層收到恐嚇電話,搞到上差館。唉!其實為乜咁躁呢?做娛樂圈,或者做邊行都好,以和為貴最緊要!好在睇片見佢喺書展為新書搞簽名會嗰時,終於收火,笑笑口揮晒手。咁咪好囉,就嚟做老竇,要識諗!





牛肝菌咁都得?


今期《忽周》介紹嘅牛肝菌食譜,好鬼新奇喎!新一代美女廚神 Hilda教整藍莓牛肝菌飯糰,糕餅師 Jack就示範牛肝菌 Macaroon。整完之後,兩個人仲坐低試食。咁佢哋就梗係話好食啦,媽咪姐只想講,美女食嘢個樣真係零舍省鏡㗎!



    tvb4life 發表在 痞客邦 留言(0) 人氣()