可以做盲公竹,又係用嚟踱步,好使好用!(設計對白)

媽咪姐

鄧梓峰踱住行

2012年07月27日 ~~ 第887期 忽然1周

好男人形象入晒屋嘅十郎(鄧梓峰),眾所周知百足咁多爪,司儀、飛機師、潛水員同義勇軍都做過,仲有個花朵叫「軍佬」,皆因佢對一切軍事歷史無所不知,難怪今次又有份拍《衝上雲霄Ⅱ》啦!

早幾日,媽咪姐喺電視城見到鄧梓峰拎住支木棍,問佢有乜作用?鄧梓峰輕輕鬆鬆咁講:「喺我哋練習步操嗰陣用,令你行每一步嘅距離都一樣。以前有參加踱步比賽,幾好玩㗎。」鄧梓峰嘅嗜好真係好廣喎!


示範踱步
鄧梓峰話支棍打開後,就似一個圓規(小圖),踱住每一步,唔會行差踏錯喎!有道理!


做過義勇軍中尉嘅鄧梓峰,曾經鎮守邊境堵截非法入境者。佢亦持有小型飛機駕駛執照,現時亦為香港飛行協會成員。

    tvb4life 發表在 痞客邦 留言(0) 人氣()