馬德鐘偕兒子前晚睇首映,他坦言冇份拍《衝 II》不可惜。

馬德鐘自從離開無綫向外闖後,對 TVB自然唔使畀面,前晚他偕妻兒出席首映禮,對於《衝上雲霄 II》被飛走,他死撐自己在首輯已死,難以安排復活。對於胡杏兒也能一人分飾兩角,馬神即寸無綫製作冇新意。

馬德鐘(馬神)、徐淑敏與老公黃浩、名模 Ana R.和 Jessica C.等,前晚到機場 UA IMAX戲院欣賞《蝙蝠俠──夜神起義》( The Dark Knight Rises)首映禮。馬神與太太、兒子及愛兒的同學仔一齊捧場。


《衝上雲霄 II》演員前日晒冷,胡杏兒在劇中分飾兩角。


馬德鐘(中)在首輯《衝》角色已死,冇份演續集。

「拍唔到唔覺可惜」

馬神離開無綫向外闖後,對 TVB自然唔使畀面,加上早前有指因為他和宣萱非無綫自己友,所以連新劇《飛虎》都慘變炮灰被迫做周末劇。《衝上雲霄》拍續集,在首輯已死的馬神被 out,他對此說:「第一集有得做已好開心,有留意新聞,卡士好勁,第一集我死咗,唔知點安排出嚟,拍唔到都冇辦法,唔覺可惜,不過安排到我出嚟都可以拍,但唔好老套囉,要特別啲出嚟先好。」
雖然馬神不恨拍《衝 II》,但他坦言十分高興吳鎮宇再拍續集,因為大家合作已事隔十年。問馬神是否也想參與拍攝續集時,他強調要因應情節安排,記者指胡杏兒都能在續集中一人分飾兩角,他即暗寸說:「咦,咁冇新意。」

 

Suki夫投蝙蝠車牌

此外,徐淑敏( Suki)透露老公黃浩是超級 Batman迷,黃浩亦自爆有關 Batman的東西都一定捧場,以前更想買一架蝙蝠俠車及一比一的 figure公仔。早前黃浩投得「 BATMAN V」車牌,他十分開心。
採訪:魯萍 攝影:林德雄

tvb4life 發表在 痞客邦 留言(0) 人氣()