插圖: Wendy

揞名爆

背住「大小姐」「幾打得」狂溝「假面小妖」

2012年07月20日 ~~ 第886期 忽然1周

「大小姐」同「幾打得」都分咗手一段日子,記得初時男方好似極力想挽救,不過女嘅走得決絕,仲積極開拓新 market,同唔少「富二代」傳過吓緋聞。雖然,直至依家都仲係無下文。

「嘩!煲『無米粥』都好過翻撻嗰個『幾打得』啦!佢愈唱愈霉都算,仲要出去溝女, target竟然係『假面小妖』呀!」據蒲場打躉嘅二五爆料,大約兩年前,「幾打得」同「大小姐」未散時,男方已經周不時去中環啲夜場玩,仲喺嗰度識咗當年十六歲都未夠嘅「假面小妖」。
Well,呢位妹妹仔個樣……大家明啦!不過,喺昏暗燈光下,加埋青春長腿同嬌嗲聲線,「幾打得」即刻生螆貓入眼,「嗱嗱聲」過去「抄牌」,然後不斷傳肉麻短訊,噓寒問暖咁啦。之但係,人哋妹妹仔都唔簡單,嗰時已經識咗「猩猩仔」,仲可能上緊「另類攝影班」㖭!點會得閒理「幾打得」,只係求其應酬吓佢就算。
依家睇嚟,唔止敢愛敢恨嘅「大小姐」執番身彩,撇甩花心男!「幾打得」唔使做相中男主角,查實都應該要去還神喎。

    tvb4life 發表在 痞客邦 留言(0) 人氣()