句句金

句句金

2012年07月20日 ~~ 第886期 忽然1周

陳靜以才女姿態殺入書展,眼見眾模賣弄性感,佢有感而發:
一年比一年脫得多,下年點算?
想當初,你咪一樣大包小包益街坊。一時唔偷雞做保長,咪就係呢類人囉。




死敵許穎嘅寫真集被指似 AV,何佩瑜又再暗寸對方:
可能佢喺日本返嚟啩!
你今年冇寫真出,並不代表可以任意寸人。咪話媽咪姐冇提醒你:山水有相逢呀細妹。




黃貫中早前開演唱會被指入座率低兼報道版面細,因而大動肝火。及後佢知道係一場誤會,即激動耍冧:
咁我正仆街,出街俾車車死。
咁朱茵同未出世嘅 BB點算?升呢做咗老竇就咪鬼咁衝動啦。




同樣升呢為人父嘅王浩信則大相徑庭,早前拍攝《法網狙擊》一幕跳橋戲時亦擔心自己安危,
出門前都特登望多囡囡兩眼。
愛護自己即係愛錫家人。黃貫中好學吓人!




宣萱從影 18年,當中角色屢屢被綁架。今次《飛虎》亦唔例外,被網民大彈老套。不過拍檔馬德鐘反而唔贊同,
無綫產量咁多,梗有相似橋段。
咁又係呀!改得太多太有新意,我哋啲師奶睇唔明㗎。肉麻當情趣,老套都可以當時興啫。

    tvb4life 發表在 痞客邦 留言(0) 人氣()