被洗腦引發潛能嘅哥連十八般武藝樣樣精,後來同反政府女鬥士合作,合力對付敵人。

來路貨

威龍模式 洗腦手冊

2012年07月20日 ~~ 第886期 忽然1周

要洗腦又何止一個中國模式咁少?
8月鉅片《新宇宙威龍》同樣都係講洗腦,不過當中有型佬男主角,又有靚靚特技。最重要冇隱惡揚善、抹黑獻媚,完全純科幻創作,包大家睇得放心又安心。

《新宇宙威龍》,話明新,咁即係有舊啦。舊版《宇宙威龍》由大隻佬阿諾舒華辛力加( Arnold Schwarzenegger)主演,當年全球票房高達 2億 6千萬美元,以 1990年嘅水準嚟計,相當之犀利!而且口碑不俗,就連美國著名影評人 Roger Ebert當年 4粒星之中亦評咗 3.5粒。
既然珠玉在前,點解又要翻拍呢?事情原來係咁嘅。《宇宙威龍》改編自 Philip K. Dick其中一部短篇小說,當年為咗大堆頭,刻意將原著故事背景改成火星。搬得上火星,自然有外星人、太空船,堆頭確係夠大,但就改到失去原著背後嘅意思。


啱啱喺美國開鑼嘅動漫展,係城中盛事。上周六( 14日),哥連與一班演員到場宣傳電影,同場仲展出電影所用嘅車同機械人。


導演銳意減低當中嘅科幻元素,大部分場景都係實景拍攝。爆炸場景(上圖)或者飛車場面則以綠幕、電腦特技輔助。





洗腦洗出禍


有見及此,今次導演還原基本步,忠於原著,用番地球做背景,加強當中心理懸疑成分。
《新宇宙威龍》(美國、香港 8月 2日同步上映)設定喺未來世界,男主角係工廠工人,事業無成又撈得唔開心,佢於是決定參加洗腦課程,以晶片植入腦中,體驗虛擬旅行 relax吓。點知過程中出現問題,意外觸動佢潛藏記憶,仲引嚟政府殺手追捕。咁啱主角遇到反政府鬥士,兩人一齊反擊,仲發現男主角另有神秘身世。


哥連法奴真實身份神秘,所謂嘅老婆,原來由政府安插監察哥連,最後兩公婆反目打餐死。


洗完腦瞓醒未知咩事,哥連就被政府狙擊。情況同現實祖國都好似喎。

大隻佬回歸?


基本上,劇情同上一集差唔多,男主角由阿諾舒華辛力加變成型佬哥連法奴( Colin Farrell)。據知籌拍初期,阿諾曾主動撈,自薦做番男主角。好彩導演英明, ban咗,轉個頭仲搵埋人選。講真,唔係嫌棄,只係搵得阿諾,唔通要搵埋舊版女主角莎朗史東( Sharon Stone)?咁樣,好容易由洗腦變咗洗眼。

舊版《宇宙威龍》,阿諾同莎朗史東飾演兩公婆。新版由哥連法奴同《妖夜尋狼》索人妻姬蒂碧金莎飾演。


新版


舊版

洗腦場面新舊版本如出一轍,只係男主角型啲靚仔啲。


新版


舊版

tvb4life 發表在 痞客邦 留言(0) 人氣()