余少寶每日要親手整過百件法式薄餅。這個$28的法式窩夫,賣相似港式街頭小食的夾餅,不過味道較香脆。

上流滙

余少寶 法式甜品尋夢

2012年07月20日 ~~ 第886期 忽然1周

甜品令女士又愛又恨,一個少奶奶亦因此毅然從商,開舖整餅。
93年香港小姐季軍余少寶( Middy), 04年下嫁從事汽車防盜生意、賽車手關兆昌弟弟關兆輝,婚後一直過少奶奶生活,閒時打高爾夫球、外遊 shopping,生活無憂。不過一個甜品情意結,令她放下少奶奶生活,落手落腳開舖整餅。她說:「結咗婚咁耐一直都想做生意,開法式甜品店係夢想。雖然依家忙,但客人讚一句已經好有滿足感。」

嫁得好做少奶奶是不少女士的夢想,過了 8年少奶奶生活的余少寶,卻甘願放下悠閒生活,追尋兒時夢想。她笑說:「我細個喺法國讀書,住咗好多年,放學最鍾意食格仔餅,我諗係個情意結,好想將我覺得好食嘅嘢同人分享。」


甜品店面積約 200呎,位於元朗千色廣場地舖,人流算多。


店舖空間不多,所以余少寶在店外放了幾張摺枱摺櫈嘆法式甜品,的確有風味。

招牌作




法式千層班戟,製作過程複雜,要 3天前預訂。記者試食後,覺得甜度適中,不過班戟上的焦糖漿容易滴漏,進食要小心。

薄利多銷


余少寶(右)是 93年港姐季軍,之後加入無綫做了幾年閒角。同屆冠軍莫可欣(中)嫁方中信後轉戰公關界,亞軍林麗薇更消失無蹤。三位港姐可謂各行各路。《蘋果日報》圖片

為圓夢想,余少寶索性投資 6位數字,在元朗開法式甜品店,賣自己鍾情的甜品。「我發覺香港好少法國傳統薄餅同千層班戟,市面上嗰啲都唔正統,所以我就決定自己開。我姐夫係法國大廚,嚟咗香港 3、 4年,佢教我買靚材料、整自家製嘅汁料。因為元朗呢度平租啲,所以揀喺呢度開舖。」要做足法國味道,除了有法籍姐夫教路,還要落重本,用頂級靚料。「自己生意一定要真材實料,唔靚嘅嘢唔會放落口。用料嚴謹,品質先會好,牛油、麵粉、忌廉都係法國運嚟,先做到百分百法式感覺。雖然法國麵粉比香港麵粉貴 4成,但係值得嘅,好食客人自然返轉頭,我寧願薄利多銷。」

賺滿足感


以靚料吸客,賺錢有限,不過余少寶所賺的比金錢更可貴。「結婚 8年嘅生活係好悠閒,得閒就打吓波、去旅行,但有時都唔知做咩,喺屋企睇吓電視又一日。身邊一路有嘅嘢,未必珍惜。依家兩公婆有自己工作時間,見面時間少好多,但感情比之前更好。」
從商經驗豐富的老公訓示做生意要親力親為,所以余少寶由洗碗抹地到整餅,都親自落手做,比起行街 shopping,她覺得更具意義。「生活習慣好大改變,起初有少少唔慣,以前可以瞓到黃朝白晏,依家最遲 8點要起身。以前一個月打 8場 golf,依家 3、 4場。不過開舖有咗寄託,個人好有推動力,感覺有意義得多,好似開展人生另一頁。」


雖然她與丈夫的馬匹「火鳳凰」已退役,但兩人仍不時進出馬場。早前關兆輝到馬場睇賽事,余少寶猶如跟得夫人,全程黐實老公。


余少寶和洪金寶一家非常熟稔。早前洪金寶名下新馬出賽,除了新抱周家蔚有份撐場外,余少寶更拖實洪老太進場。

闊太行頭




桃紅色西裝褸: Kenzo約$8千
白色紗裙: Kenzo約$4千


袋: Chanel古董手袋$4萬


錶: Officina del Tempo鑽石錶約$5萬


高踭鞋: Salvatore Ferragamo約$4千

開業本錢


租金: 6萬(連三個月上期)
裝修: 20萬
材料加廚具: 50萬
雜費: 6萬
合共: 82萬

首月收入


營業額: 7萬
租金: 2萬
材料費: 1萬
人工: 1萬
雜費: 8千
盈餘: 2萬 2千

撰文:蔡靜雯
攝影:李脗慰、甘承威

    tvb4life 發表在 痞客邦 留言(0) 人氣()