自己拎手袋
港女經常要男友拎手袋,其實一個手袋仔啫,男人老狗拎幾咁核突,不如學吓大美人關之琳自己拎番。

當年今周

向關之琳 say yes

2012年07月20日 ~~ 第886期 忽然1周

成日有世姪女同媽咪姐講,話要搵個金龜喎。唔係潑冷水吖,佢哋額頭大大隻鑿住「港女」兩隻字,莫講話金龜,搵個普通男仔要你都難啦。媽咪姐無意挑起兩性戰爭,亦無資格做咩人生教練,不過姊妹們不妨放低身段,學學大美人關之琳吧。

大美人以前嘅男友有馬清偉、劉鑾雄,個個非富則貴,冇番咁上下本事又點得。時至今日,大美人喺情場上依然如魚得水。 2010年 7月第 781期《忽周》,關之琳同台灣富商陳泰銘蜜遊花都斷正。當時大美人雖有男友跟隨,但冇搵對方拎手袋,就連戰利品都自己拎番。 Shopping時亦冇硬要男人遷就,我睇我嘅手袋,你咪揀你嘅西裝囉。最重要係識得互相尊重嘛。
有時兩人相處,唔係下下佔上風先叫贏,以退為進可能贏得仲多。各位姊妹,記住向「港女」說不,向關之琳 say yes。

檔案編號:第 781期
日期: 2010年 7月 16日

拎戰利品等男友




又例如 shopping時,男人老奉幫女友拎戰利品。但睇吓大美人呀,男友喺入面揀衫,佢就拎住戰利品喺舖外等。有時唔係一定要男方遷就晒嘅,互相就吓都得嘅啫。

檔案編號:第 863期
日期: 2012年 2月 10日

幫男友揀眼鏡




今年年初,關之琳與男友去日本度新歲。男友揀眼鏡,關之琳則在旁俾意見,盡顯細心一面。

檔案編號:第 883期
日期: 2012年 6月 29日

求幸福紅繩




與男友拍拖近 5年嘅關之琳,早前去印度求紅繩,據講男友亦有同行,但關之琳為免愛郎被傳媒追訪,刻意分開出發,認真體貼。

tvb4life 發表在 痞客邦 留言(0) 人氣()