我要做賀歲片男主角!﹙設計對白﹚
得㗎啦,愛將!包喺我身上。﹙設計對白﹚

媽咪姐

樂易玲向曾志偉夜薦 chok峯

2012年07月20日 ~~ 第886期 忽然1周

近年無綫搞埋電影,每年賀歲片都交由笑匠曾志偉監督兼演出,票房都唔錯㗎!打蛇隨棍上,眼見咁成功,樂易玲梗係希望搵愛將 chok峯做主角。

早前媽咪姐就見到志偉同樂小姐喺土瓜灣打邊爐,同行仲有幾個電影人。佢哋雖然坐得隱蔽,但你知志偉把聲幾咁響㗎啦,媽咪姐都聽到唔少內容。當中就提及出年賀歲片主角嘅問題,樂小姐一聽到,即反應甚快推薦林峯,仲不斷猛 sell:「阿峯其實可以試吓搞笑,佢唔係你想像中得個樣㗎!」但志偉不愧為阿哥,四両撥千斤咁話:「阿峯會唔會好忙?佢咁多嘢做,俾佢休息吓啦!其實我想要 Laughing(謝天華),佢就真係好玩得嘞!」
雖然一盆冷水照頭淋,但樂小姐都有大將之風,若無其事繼續隊啤淥肥牛,食到凌晨一點幾先散。


樂易玲當晚一點幾先走,飲飽食醉自己揸車返屋企。


相反志偉就嘆好多,有司機服侍。今次佢都好檢點,企住入企住出,應該冇飲醉。

    tvb4life 發表在 痞客邦 留言(0) 人氣()