哈哈,使唔使咁襯呀? Honey!(設計對白)
Vianna好乖咁拎住打包嘅食物,但佢最鍾意嘅,梗係爸爸黃浩嗰部「蝙蝠電話」, Suki見到呢對 Batman父女 fans都忍唔住笑!

媽咪姐

徐淑敏黃浩蝙蝠家族

2012年07月20日 ~~ 第886期 忽然1周

Yeah!等到頸都長埋,《蝙蝠俠——夜神起義》終於上畫!話你知,媽咪姐最愛蝙蝠俠,追晒佢咁多套戲㗎。不過,講到瘋狂,就點都唔及徐淑敏( Suki)老公黃浩同囡囡黃心瑤( Vianna)。

早幾日之嘛,媽咪姐去灣仔福臨門嘆個靚茶,見到黃浩揸住架 sharp到爆嘅黃色越野車,帶埋大女 Vianna入去攞位,望真啲,成架車都貼晒 Batman貼紙,黃黑色襯到絕呀!過多陣,就見到 Suki揸住架黃色林寶堅尼出現,車尾同樣有蝙蝠標誌㗎。最搞笑嘅係,只得兩歲幾嘅 Vianna都情迷蝙蝠俠,係要攞爸爸個「蝙蝠電話」嚟玩,睇嚟真係「家學淵源」!咦,黃生啱啱又用 8千蚊「超抵價」投咗個「 BATMAN V」車牌喎,睇嚟第時可以留俾 Vianna做嫁妝嘞。


黃浩揸開呢部重型越野車本來已經夠 sharp,加埋 Batman貼紙,呢期出街,一定搶晒鏡。


Suki係圈中有名女車手,飲完茶,佢就車埋老公走。呢部「林寶」一樣有 Batman護航㗎!

tvb4life 發表在 痞客邦 留言(0) 人氣()