佢哋唔識貨啫!﹙設計對白﹚
跟住右邊呢位西裝友,食完 lunch,散住步行過,都有眼不識阿 Sa。

媽咪姐

阿 Sa中環隱形

2012年07月20日 ~~ 第886期 忽然1周

近排阿 Sa(蔡卓妍)真係唔多 happy,佢喺《紅白鬥》現場唱〈下一站天后〉,成隻歌都走晒音,俾人「唱」足幾日!話時話吖,呢首歌真係有玄機,想做天后?真係唔係話咁易㗎!


左邊呢位阿太,擔天望地擰嚟擰去等的士,但就係發現唔到有個明星喺隔籬。

早前,媽咪姐就喺中環鏞記門口撞到阿 Sa同助手,呆呆咁棟篤企等保母車。大熱天時,阿 Sa着晒長袖衫褲都唔奇怪,財多身子可能弱啲嘛!估唔到嘅係,佢哋喺度等咗成 5分鐘,無論係隔籬等的士嘅師奶,定係食完 lunch行過嘅西裝友,都無發現阿 Sa,眼尾都無望過佢一眼。砵!砵!哎吔,好彩保母車終於到嘞。正所謂寧俾人知走音,總好過行走中環無人問呀!

俾人插咗幾日走音,阿 Sa依家嘅心情好啲未呢?無事啦,佢仲好開心咁 post咗張童年畫作上微博。咦?「雞飛狗走」?只要唔再走音,應該唔會出現呢個場面嘅。





    tvb4life 發表在 痞客邦 留言(0) 人氣()