體貼夫
阿田避雨,阿澤就一手擔遮,一手將疑似畫架嘅嘢遞俾老婆,冇句怨言。

媽咪姐

杜汶澤田蕊妮下火夫妻

2012年07月20日 ~~ 第886期 忽然1周

做人切忌浮誇,想當年杜汶澤同田蕊妮兩公婆一朝得志,語無倫次,搞到犯眾憎。好彩佢哋回頭是岸,加上阿澤早前患咗「米勒費雪症候群」呢個怪病,更加修心養性。媽咪姐早幾日喺九龍城街市,撞正兩公婆拍拖買完餸。

阿田正一精明師奶仔,上咗車冇耐就發現媽咪姐,「嗱嗱臨」報寸俾老公知,不過佢哋鬼死咁 nice,笑住同媽咪姐揮手。之後阿澤明知媽咪姐跟實,都以正常速度,揸咗大半個鐘頭車返元朗屋企。與此同時,上天再要試煉呢對夫妻,決定落番場過雲雨。風雨交加,但阿澤冇話火起,仲叫老婆匿喺停車場避雨,自己就單拖將啲戰利品拎返屋企,認真貼心。


悔改前,阿澤經常穿金戴銀,但嗰日佢一身造型大眾化,着住嗰件街牌「 OBEY」 tee四百蚊有找。揸住「 Aape」紙袋,呢個日牌唔貴,大約三百蚊就買到件 tee嘞。


所以話,人要悔悟,必先飽受煎皮拆骨。杜氏伉儷 get到晒喇!

醒目妻


阿田發現媽咪姐後立即通風報訊,笑住揮手。俾着以前嘅佢哋,怒啤爆粗乜都出齊。





tvb4life 發表在 痞客邦 留言(0) 人氣()