借歪啦, Bosco!(設計對白)
去年由鄭嘉穎擔正的《怒火街頭》,叫好叫座。最近,無 綫食住條水,安排《怒 2》於本月底播出,打有線的奧運檔期。《壹週刊》圖片

娛聞樂

《護花》高收視照被 cut 無 綫叮走 Bosco捧籮霸穎

2012年07月20日 ~~ 第886期 忽然1周

倫敦奧運今個月底開鑼,播映權卻一波三折,好彩最終達成協議,市民大眾才可免費收看奧運賽事。
未知能否播奧運前,快人一步的無 綫其實已有兩手準備。為撼有線奧運,除動用全台過百藝員拍扮 嘢搞笑節目《玩轉三周 1/2》外,更提早谷重頭劇《怒火街頭 2》,此舉卻犧牲由黃宗澤主演的《護花危情》。據知,即使《護》劇上周最高收視達 35點,無 綫決定將集數 cut短。有睇唔過眼的該劇幕後人員即時在微博申寃。今次無 綫兵行險 着,似乎未得民心。

《怒火街頭》去年中播出,最高收視 35點,首集鄭嘉穎露股一幕亦成為城中熱話。該劇叫好叫座,鄭嘉穎同胡杏兒更憑此一掃頹風,分別成為去年台慶的視帝及視后。早前,無 綫就倫敦奧運轉播權陷於困局中。《怒火街頭 2》及林峯主演的《回到三國》被奉召出擊,對撼奧運。


微博抱不平
黃宗澤與鍾嘉欣主演的《護花危情》,因監製劉家豪離開無 綫,不能踩正黃金檔期播出之餘,還被 cut短集數。


日前,有《護花危情》工作人員在微博表示集數被縮短了,樂小姐更以要播《怒火街頭 2》為理由 cut戲。




周日( 15日),嘉欣出席《護》劇宣傳時,被問到部分情節被刪走,即口窒窒表示:「唔知呀,你唔好問我啦,呢 啲監製決定。」

犧牲黃宗澤


為力谷《怒 2》,無 綫已於 6月底深夜開始重播首輯《怒火街頭》,希望播出續集時,讓觀眾一氣呵成。有得必有失,為遷就《怒 2》在奧運黃金時段播出,無綫惟有犧牲正在出街、最高收視與《怒》同樣 35點的《護花危情》。
近日,有《護》劇工作人員在微博鬧爆高層樂易玲偏心鄭嘉穎,為了《怒 2》提早播出,將劇中黃宗澤的不少爆破戲及槍戰戲刪走。有幕後人員透露:「 Bosco(黃宗澤)拍呢套劇真係搵命搏,好多飛車戲、槍戰場面都要求親身上陣。原本套劇安排喺下半年播,不過監製劉家豪過檔 now,《護》劇咪攝檔期喺暑假呢啲三煞位播。」據知無綫一直不看重《護》劇,收視卻出人意表地高,比重頭劇《回到三國》還要高出一點。原本《護》劇一眾藝員和台前幕後打算搞慶功,但收到公司要縮短集數,令不少人憤憤不平。


識 冧高層
近年,鄭嘉穎負面新聞多多,但樂易玲依然對他不離不棄,並委以重任,安排他擔正多部重頭劇。《壹週刊》圖片


鄭嘉穎憑《怒》奪得視帝,更成為廣告商新寵。上周四( 12日),他出席中環娛樂行新店開幕,夜麻麻仍全程戴黑超,事後被指扮巨星,黃綠衣着又好強國 feel。


露罅吸客
在《怒火街頭》第一集,鄭嘉穎露股罅一幕播出後,成為討論熱話。


舊橋翻炒
在《怒火街頭 2》,有幕講述鄭嘉穎爬棚架,露出孖煙囪。橋唔怕舊,最緊要受。

樂易玲:冇睇《護花》


對於有幕後提到《護花危情》的劇情被刪剪,此劇導演伍兆榮表示:「係有濃縮咗,變成 19集。不過家豪哥(劉家豪)都好緊張,不時打嚟問收視。」而被指是「幕後 cut手」的無 綫製作資源部總監樂易玲,在電話中卻表示不知情:「我唔知喎,每套劇集數同內容都係由製作部同節目部負責,關我哋藝員部咩事?我連跟住邊套劇上都未知。(你有冇份建議劇集的播映時間?)冇。(但有工作人員喺微博話你偏私,為播《怒火街頭 2》,將《護花危情》部分場口刪走?)《護花危情》播幾多集我都冇留意,冇睇!剪接呢 啲唔係我負責,我都唔知點解有呢個消息出嚟?(有人睇唔過眼出聲,話你偏心鄭嘉穎。)唔講啦,唔講啦,我返到屋企啦!」隨即收線。
至於身在內地拍劇的黃宗澤,本刊曾致電他,但至截稿前仍未回覆。


導演伍兆榮雖然否認該劇最初有 28集,但就承認劇情被 cut短:「劇情係濃縮咗,但更加緊湊。」


雖然 Bosco新劇受打壓,但女友胡杏兒同鄭嘉穎同樣憑《怒火街頭》人氣急升,近月更成功北上拍劇吸人仔,算係有少少補償啦!《壹週刊》圖片

    tvb4life 發表在 痞客邦 留言(0) 人氣()