今年年初全面復工,潘霜霜拋胸演出網劇《貓人女王》,因為造型見肉多過見報,被點名內容低俗過分賣弄色情。

國台扮

孭飛 III級劇 潘霜霜鹹出禍

2012年07月19日 ~~ 第1167期 香港《壹周刊》

自從爆出做過林峯的女人,潘霜霜一直冇運行,除 咗冇工開,更被揭初入行做 model影過 T-back內衣肉照。
直到今年初,潘霜霜終於全面復出,做完網絡遊戲代言人,仲有份參與搜狐網站自資開拍 嘅首個網劇《貓人女王》。
被譽為「嫩模版甄嬛傳」 嘅《貓》劇,故事講 model界明爭暗鬥,其實劇情唔係重點,重點係劇中每位「超模」都有「肉」罷不能 嘅打扮,深不見底 嘅事業線更加係每集必看精彩鏡頭。原本網民叫好點擊率唔錯,可惜最近國家廣電局以及國家互聯網信息辦,決定嚴打網絡低俗內容,如未能通過審批,一概殺無赦,潘霜霜復出之作,隨時被腰斬!

先審後播


7月初,國家廣電局以及國家互聯網信息辦,以「針對部分網絡視聽節目出現內容低俗」為由,推出一系列全新管制措施,要求所有網劇、微電影進行「先審後播」,如未得到有關當局發出許可證,而私自開工拍攝或播放,即屬違法。
至於現時網上播放緊 嘅節目,雖然唔使審批,但當局講到明會嚴密監控有關節目內容,如果過咗火位,隨時要腰斬!
六合彩又唔見中,偏偏潘霜霜有份 孭飛做女主角 嘅網劇《貓人女王》,正正有份被點名內容踩界。
聽講除 咗第一集,因為要交代人物角色背景,內容方面比較正路,到第二集已經 嚟料,大量比堅尼輪住出場,班 model為 咗上位出賣肉體等等情節應有盡有。


浮波
劇中潘霜霜去到盡,濕身又得,俾人胸襲都得。


觸球


潘霜霜以網絡遊戲代言人作為復出頭炮, cossplay扮女戰士,同諸葛林峯好鬼襯。



自願胸襲


話晒有 36D,潘霜霜不乏比堅尼濕身火辣演出,其中一集,仲講佢俾有同性戀傾向 嘅 catwalk女導師公然胸襲。
其實賣肉演出唔只潘霜霜,仲有「中國第一黃金比例」 嘅國產超模艾尚真。原名徐萌 嘅艾尚真,攞過中華小姐冠軍,身高 6呎,曾被 LV、 GUCCI、 Armani等國際品牌點名做御用 model。
比起潘霜霜或者劇中其他演員,艾尚真知名度絕對高一線,但佢並冇惜肉如金,要胸有胸要腿得腿。
究竟《貓》劇會唔會停播暫時未知,但另一個網上綜藝節目《魅力研習社》,絕對係當局追殺目標。
呢個節目,原本話教導時下女性如何有效地發揮個人魅力,但實情係你只會見到班女仔著比堅尼跳繩同打排球,最新搞作,居然諗到著比堅尼用胸部及籮柚抹玻璃窗,超級重口味!


身為國產名模,艾尚真一樣唔錫身,戲服同潘霜霜一樣咁少布。


為露而露,潘霜霜同艾尚真 嘅對手戲,都要露吓事業線。


用胸抹玻璃,兩個主持人更大講有味內容,話如果塊玻璃換 咗做男人,對方絕對係「幸福的『玻璃』」。



周迅明踩楊冪


電影《畫皮Ⅱ》大陸狂收,開畫四日大收 3億人仔,至今已累積 5億票房,至於能唔能夠打破收 6.59億 嘅《讓子彈飛》,以及收 6.6億 嘅《唐山大地震》,兩大國片冠亞軍紀錄,暫時未知,不過戲中兩位女角周迅、楊冪,呢排 啲是是非非,比起戲中 3D特技更加有話題性。
話說內地影評人江小漁 响微博寫 咗篇關於《畫皮Ⅱ》 嘅影評,大讚周迅演得好,不過片中有三大多餘之物:馮紹峰、楊冪、 3D。
影評內容只反映個人意見,不過周迅工作室所開 嘅微博,居然轉發有關內容,仲要加多個公仔笑容,似乎好認同呢位影評人睇法。
話晒楊冪係後起國產花旦,佢班粉絲團見到即時發癲,圍攻周迅踩人唔使本,事後周迅以身在巴黎咩都唔知微博唔係由佢轉發多多藉口解釋唔關佢事,都係 㗎,我記得上次你都唔認拍《畫皮Ⅱ》踢趙薇張 櫈差 啲打交,最後兩個扮好姊妹影合照平息風波,睇 嚟下一張世紀合照,應該係楊冪!




其實《畫皮Ⅱ》入面周迅同楊冪都係妖精,有唔少對手戲,雖則楊冪只係配角,但佢同馮紹峰 喺國內有「第一熒幕情侶」之稱,多多少少對票房都有幫助!


周迅工作室以「 i周迅」開微博,轉發完踩楊冪 嘅影評後,即被對方粉絲河蟹,就算之後刪除微博亦未能平息風波!


周迅(中)撩是鬥非唔係第一次,上次有趙薇,今次輪到花旦楊冪(右)。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()