我個女張出世紙俾人登咗呀!(設計對白)
攞張摺 櫈大家坐低慢慢傾!(設計對白)
兩位「特首」難得同台,但劉華閂定門話冇時間反映民意,仲講明冇本事冇興趣做特首。

同你吟一吟

劉德華梁振英真假特首

2012年07月19日 ~~ 第1167期 香港《壹周刊》

自從五月初囡囡劉向蕙出世,老豆劉華湊女陪老婆坐月,好耐冇出席過公開活動。上個禮拜四(七月十二日),劉華終於出山,為主題公園「冰極天地」擔任揭幕禮嘉賓,同場仲有特首梁振英。

新任特首 嘅民望低處未算低,唔少市民都話寧願搵劉華做行政長官,不過當事人即刻耍手擰頭:「我冇呢個能力,冇呢個興趣。」
不過兩位民望各異 嘅「特首」,其實都有一個共通點,就係選擇性隱瞞,梁振英瞞僭建,劉華就瞞湊 B。記者問佢冇見一排瘦 咗,係咪湊女太辛苦之類嘅家事問題,又唔係擾亂秩序,又唔係講六四,但劉華同胡總一樣冇答案,以前會話記者唔乖,而家就話私下同你傾,總言之都係無可奉告。
其實劉華有冇本事做行政長官都係其次,有樣嘢佢一定做唔到!就係特首夫人要經常出席公開活動,華嫂劉朱麗倩只會落區去北角九龍城買 餸,完全唔達標!




為 咗配合大會冰極主題,劉華同盛智文頂住三十幾度高溫,著雪褸爬假冰山,冇中暑已經偷笑。


當日梁振英話過,唔會有梁營唐營之分,因為香港只有一個香港營,唔通因為咁,所以一直撐唐英年 嘅劉鳴煒(箭嘴)都 喺度?


劉華又瘦 咗,問佢湊女係咪好辛苦,例牌唔答,但提到記者攞到佢個女張出世紙,終於有答案:「咁唔係幾好!」繼續昔字如金。

曬到一身大汗後,劉華轉位去室溫極低嘅企鵝區餵企鵝,冰火打孖上。





文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()