今年十一月滿三十八歲嘅林志玲,近年頻頻重裝五官,落手仲唔輕。

同你吟一吟

林志玲叉腰 壓倒張靜初

2012年07月19日 ~~ 第1167期 香港《壹周刊》

升級做咗老豆之後,劉德華首次有新戲上,安排十月國慶檔開畫嘅《富春山居圖》,星期一(七月十六日)喺柴灣影樓拍海報。

片中女主角,有來自台灣嘅林志玲,同國產張靜初。兩位中台代表,是日一個 tube dress,一個吊帶,各不相讓。
不過,雖然張靜初肯晒心口又露腰,但一樣要輸。其實林志玲零事業線,前面只係得對腳,不過一擰轉背,另一個天地。嫌唔夠喉?仲有, Chiling係咁意叉吓條腰,冇打底嘅心口肉,第一時間出嚟同大家 say hello!
講好戲,中央戲劇學院導演系出身嘅張靜初超晒班,但講到做花樽,林志玲都唔失禮,唯一稍嫌佢近年太貪心,塊面落手太重,要扣分!


05年
啱啱過三張,個鼻未再僭建,面肉又唔硬,仍然靚女。


玩後排攻擊,林志玲一叉腰,立即得咗!


拖尾 tube dress前短後長,要工作人員幫手,以免仆親。


05年
比起七年前嚟香港宣傳徐克套《七劍》,張靜初個嘜頭,一樣與時並進。


露腰再加三吋事業線,張靜初擺明車馬,但唔及林志玲暗藏殺着。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()