陳敏之鬧市鋤「姦」攞晒彩

陳敏之及森美日前在尖沙咀鬧市拍劇,教訓飾演強姦犯的港男白健恩(Ronan),只見敏之出力狂撻武師替身,瘦削的她功架十足!Ronan直言污辱「咪神」高海寧絕不享受,笑言怕被宅男報仇。



陳敏之手起刀落將替身撻落地,係威係勢!

無綫索腿天后陳敏之及森美等日前晚上在尖沙咀拍攝劇集《法網狙擊》,吸引不少途人圍觀。拍攝強姦了高海寧(高Ling)的富家子Ronan被「記者」包圍追訪,Ronan激動得推撞「記者」及吐口水,其後警員敏之及森美到場制服嘴藐藐的Ronan!

戥替身辛苦

最近敏之拍劇不乏動作戲,當晚見她出手拗Ronan手指,又多次背起武師替身撻他落地,面不紅氣不喘功架十足。


森美識做大讚敏之。 

陳敏之在鬧市捉拿白健恩,甚有師姐風範。

敏之直言最近運動量甚大令她更健康,身上完全沒有鬼祟肉,笑言跟智勇雙全的女警角色十分相似:「我都幾有正義感,鍾意幫人出頭,又一樣諗頭多多。」提到不慎被撞到臉部,敏之更戥替身辛苦:「佢要撻咁多次仲慘,我都肉痛佢。」

森美牆頭草

問森美有否羨慕Ronan可拍強姦高Ling的戲份?他即擰頭嗌「咪搞」:「男仔拍呢類戲好難做,我同敏之日對夜對,太太仲問我佢靚唔靚,我梗係話唔靚啦!但對住敏之又要讚番佢靚囉。」敏之聞言指森美信唔過,但直言大家非常老友:「我就冇佢咁避忌,喺男友面前有讚佢,話晒靚仔先襯得起我吖嘛。」

至於Ronan飾演衰格富家子,舞台劇經驗豐富的他演得入型入格,對於要強姦高Ling,他絕不享受,更怕遭一眾宅男報復:「其實冇咩親熱㗎咋,反而不停打佢,我都驚打親佢,都要讚吓高Ling好戲話喊就喊!」

文:影視組

攝影:林楠

    全站熱搜

    stacylife 發表在 痞客邦 留言(0) 人氣()