李霖恩上月底帶着大肚老婆及女兒出席活動,一家三口等待新生命來臨。資料圖片

已經育有一名女兒的前保安局局長李少光兒子李霖恩,昨日再為人父,妻子為他誕下一名8磅重的龍仔,剛好湊成「好」字。李霖恩透露與父親李少光在為兒子改英文名時出現意見分歧,大家要好好商量。

現年31歲的李霖恩由兒童節目做起,在無綫捱了11年,近日終於捱出頭,在處境劇的演出備受留意,近日更在無綫三線劇集包括《愛.回家》、《衝呀!瘦薪兵團》及《護花危情》都有份演出,曝光率極高。


李霖恩的囝囝出世了,他在微博向大家報喜。


前保安局局長李少光再做爺爺,看來退休後可以專心湊孫。資料圖片

「囝囝似我」

李霖恩不但事業上有突破,已經育有一名兩歲多女兒李清宜,昨日太太再為他誕下一名重8.15磅的龍仔,為李霖恩湊成一個「好」字。他昨日接受電話訪問時仍然表現非常興奮說:「 BB好多頭髮,有人話囝囝似我,但係影相出嚟就唔係好似,家仲係好開心。」
問到兒子名字時,李霖恩透露目前仍未想好,他說:「打算中文名會遲啲搵人幫手改,但就唔係搵相士改,反而想改一個有意思啲嘅名,所以會搵一啲有文學修養嘅老師幫手改。」至於英文名李霖恩笑言跟父親李少光就有點不同意見,他說:「爺爺就想叫 Gabriel,我就想改做 Christian喺基督徒嘅意思,不過仲未有共識,可以慢慢都唔遲。」

 

兩個夠晒數

問到已有一子一女的李霖恩會否再生多一個時,他表示已經夠晒數:「兩個夠嘞,都要養㗎,唔會再生嘞,再有就真係要搵你哋蘋果基金求助。我對囝囝最大期望真係好簡單,就係將來做個好人就夠嘞。」撰文:李森

    全站熱搜

    stacylife 發表在 痞客邦 留言(0) 人氣()