地上的黃色盒星矢,是林柏希在杜拜機場買回來的,他說:「真係估唔到竟然喺杜拜臨上機都搵到好 嘢,香港搵唔到呀!所以無論我去邊度旅行,第一時間就係去玩具店尋寶,捐窿捐罅,機場都行勻,唔放過買到心頭好 嘅機會。」

星悅居

林柏希 玩具王國

2012年07月06日 ~~ 第884期 忽然1周

聖鬥士星矢、黃金戰士、 He-Man、宇宙戰士、機甲艦隊,都是七、八十後男士的集體回憶。新城 DJ林柏希一屋都是這些超合金及鐵甲人,有些已陪伴他超過三十年。林柏希將他的童夢世界娓娓道來,更雄心勃勃為心愛玩具搞個公開展覽,公諸同好。

林柏希小時候冇人陪,最大娛樂就是看卡通片,他說:「卡通人物係我兒時 嘅玩伴,我當佢 哋係朋友,所以點捨得扔掉?」儲吓儲吓,不經不覺收藏了過千件玩具。
林柏希的家居,每個角落都整齊地放了不同的玩具,超合金模型擺放在飯廳的多層玻璃櫃內,而書房的多層擺設櫃上亦排得密麻麻,林說:「裝修時同設計師講,只有一個要求,就係可以陳列我 嘅玩具。」
林柏希一直有一個願望,是跟同是鐵甲模型愛好者的小克(漫畫家)、李克勤、鄧健泓、梁烈唯等藝人,一起舉辦玩具展覽,將自己的珍藏和大家分享。他說:「日本卡通對我童年影響好深,當年玩具唔係咁易得到,我好想為七八十後 嘅童年集體回憶做 啲 嘢。我同商場傾過搞展覽,但保安方面一定要多加注意,確保玩具唔會整爛或被偷!」

這一套黃金戰士一字排開,平日放在飯廳的玻璃架內,亦是林柏希至愛之一。林說:「睇下廿幾年前出 嘅玩具,做得幾細緻,我 喺世界各地逐一搵佢番 嚟 㗎!黃金戰士每一個都有 function,其中有一個係放大鏡(右),買番嚟千零蚊,如果齊盒至少要二千。」


$1,500




$10,000

宇宙戰士是今年林柏希的生日禮物,由關心妍老公楊長智送贈。林說:「收到呢份禮物好感動,因為 Jonas(楊之洋名)之前上我屋企,偷偷逐隻模型影低,然後去玩具舖逐隻對,睇吓我邊隻未有,呢隻依家市值要成萬蚊。」


$400

小時候曾被父母下令掉丟「十五機合體機甲艦隊」,因而足足喊了三日。他大學一年級到歐洲流浪時,在荷蘭一家小小的玩具店找到「他」,只需四百元港幣,他當然立即買下:「佢陪我返英國讀書,之後返 嚟香港,好有紀念價值。」




林柏希說:「我花 咗成晚通宵時間,逐一將聖鬥士放上架,好似台慶咁將佢 哋排好位, 嗰一刻以為自己係樂易玲,哈哈哈。」


新版$500
舊版$1,000

長大後,林柏希將新版的整套聖鬥士買回家。手握的是廿多年前的舊版「紫龍」現值一千蚊,藍色的新版現值約五百元。

林柏希將小時候玩過的聖鬥士星矢保存至今,鐵盒早已生銹變色,但十分罕有,價值過千。至於舊版天秤座童虎(右)則是連盒儲。


$1,000


舊版$1,000
新版$500

林柏希 Profile:


新城電台 DJ兼電台節目高級監製,每年舉辦的《勁爆頒獎禮》,他是鐵膽司儀,現主持《還看今天》、《全旅打》,因工作關係跟不少圈中人稔熟,與陳豪、欣宜私交甚篤。



    stacylife 發表在 痞客邦 留言(0) 人氣()