榮文蔚與阮偉文結婚 16年,一直有指二人各有各玩,今次老婆被揭「男模」事件,老公即時出面回應。上周四( 28日)二人做場恩愛騷,拖到實去活動。

上流滙

榮文蔚「男模」醜聞 引爆名媛包鴨仔事件簿

2012年07月06日 ~~ 第884期 忽然1周

中信泰富前主席榮智健姪女、 Ball場名媛榮文蔚,早前舉報男模顧志雅盜用其信用卡狂碌 30幾萬,結果反變涉嫌訛騙被警方拘捕,令二人曖昧關係即時浮面。
事件曝光後,名氣界鬧得熱烘烘。其實,富婆、名媛包鴨傳聞屢見不鮮。表面恩愛的夫婦,實則有名無實,各自各精彩。不少闊太更有特殊性癖,驚人程度,勁過電影情節。




35歲的公屋男模顧志雅,身高達 185cm,加上周身肌肉,外形煞食。不過他曾多次涉及金錢、私人感情問題,個底花到不得了。


98年,趙金卿與亞視小生甄志強拍拖,轟動一時,當時更孖住去 ball場,關係維持兩年多,最終分手收場。


港男冠軍黃長發, 09年與鞋王三奶 Karen熱戀,黃之後就經常揸靚車出入。《 FACE》圖片


阿哥黃長興前年就被指因合作跳拉丁舞,而搭上 63歲富婆徐美琪,當事人最終否認。《 FACE》圖片

大胸靚太專吼東洋男




有個猛料老公 嘅大胸靚太,雖然年紀唔細,不過經過多次修葺, fit過唔少後生女。身為 ball場常客 嘅佢,身邊除 咗有出身貴族 嘅猛人,居然亦有唔少後生仔。後生仔堆之中,佢仲特別鍾情東洋風 嘅男仔,專揀呢個類型做朋友。不過基於佢屋企咁有頭有面,佢每次同堆後生仔約會,都特別小心過人,唔係揀私竇,就係要有好多出口 嘅五星酒店,方便隨時散水。聽講佢好鬼斯文,見面只係傾吓心事,最多都係捽吓手仔,唔使有咩艱鉅任務。所以為咗得大胸靚太「點燈」,經常有唔少鴨仔專登打扮成東洋 look去結識佢。

巫婆孖姊妹揀港男




喺 ball場打滾多年 嘅巫婆,次次出動都谷行惹火身材,加埋嬌嗲聲線,刻意降低真實年齡,方便搵獵物。咁多年嚟,圈中唔少嫩口男都俾佢照顧過。多年前,巫婆原來 着過息影富貴女星(美人)舊鞋,同肌肉滾友搞埋,經常四出夜蒲,不過只係玩 咗幾個月貨仔,就不歡而散。沉寂咗一排嘅佢,近年又再出山,同埋好姊妹小桂子一齊獵食,每次有靚仔出現嘅活動或男士選美會等,佢兩個都孖住出動,趁機埋身搭訕。佢仲連初入行 嘅港男都唔放過,密密約埋去蒲,仲蒲到帶埋返屋企。呢對姊妹花出晒名猖狂,想搵食 嘅人就話唔怕埋身 啫,其他人老遠見到佢 哋都走夾唔唞。

富婆俾錢花 𡃁豪賭




富婆曾經係風靡一時 嘅 ball場搞手,不過近幾年愈 嚟愈低調,甚少踏足 ball場。當年佢就試過公開同二打六藝員仔拍拖,捧佢做上等人。分手之後,富婆就開始收收埋埋,只係耐唔耐帶埋花鬼祟去 ball。近年中港兩邊走 嘅佢,不愁冇仔 喺身邊,食 嘅仲嫩口過以前,有 啲年紀仲細過佢自己個仔。富婆除 咗帶住花周圍玩,食好住好買靚衫,有時仲帶佢哋去自己玩開 嘅私竇。呢個名媛私竇乜都有,仲有幾張賭枱,富婆每次都大大嚿錢俾啲花任賭唔嬲,贏 咗嘅錢,花仲可以袋袋平安。而富婆自己就坐 喺隔籬,望實等咀嘴,已經鬼咁滿足。闊綽成咁,難怪富婆係唔少鴨仔夢寐以求 嘅恩客。

扮靚女王鞭虐白面港男




表面上有個幸福家庭,搞美容生意搞得有聲有色嘅扮靚女王同老公結婚咁多年,兩個瞓埋一齊都同牀異夢,莫講話性生活喇。扮靚女王得唔到滿足,惟有搵人打救。早幾年喺公開場合中,佢認識咗白面港男。白面港男昂藏六呎,書卷味重,隨即令扮靚女王嗒糖。扮靚女王於是假借拍廣告為由,經常約白面港男上佢公司,之後仲主動話想照顧佢㖭!白面港男當時冇嘢撈,見有個富婆自動波送錢使,立即應承。
好戲在後頭,事關扮靚女王有種特殊癖好。原來佢包養白面港男期間,兩個人唔出街唔外遊,每次要見面,扮靚女王就 call白面港男登堂入室,仲立即除晒佢啲衫褲鞋襪,叫佢乖乖哋瞓喺度,屁股向天。之後佢就拎條私伙皮鞭,一下一下 fit落白面港男嘅屁股上面。呢段虐打關係維持咗大半年,聽講白面港男依家仲有陰影㖭!

    stacylife 發表在 痞客邦 留言(0) 人氣()