當日只得蔣家旻同劉丹兩人喺西餐廳,佢哋一邊食,劉丹一邊手指指大講人生道理。

媽咪姐

劉丹教孫

2012年07月06日 ~~ 第884期 忽然1周

現實生活中,丹爺劉丹有個乖仔叫劉愷威,近年北上發展紅爆內地,女友亦由以前「西人」口味廖碧兒,變成依家「國產」口味楊冪。不過洋人又好、強國人又好,依媽咪姐意見,最緊要係有孫抱。

丹爺最近就喺無綫處境劇《愛•回家》攞正牌做阿爺。前幾日,媽咪姐喺電視城西餐廳見到丹爺同劇中飾演孫女嘅蔣家旻食 lunch。丹爺現實中未榮升阿爺,但佢真係當正自己係阿爺咁,不時同蔣家旻講人生道理,仲教佢待人處事點點點……難得一個肯教,一個肯聽,丹爺呢個「實習阿爺」似乎做得有板有眼。


《天與地》飾演「少年阿佘」嘅蔣家旻,今次喺《愛•回家》做劉丹孫女,兩人對手戲甚多,日對夜對好容易有「爺孫情」。


老竇,等我幫你實現夢想。(設計對白)
老爺,我會努力的。(設計對白)
有指劉愷威近日以三千萬買入半山梅道豪宅,跟女友楊冪共築愛巢。睇嚟劉丹離抱孫夢不遠矣。

    stacylife 發表在 痞客邦 留言(0) 人氣()