神呀!請賜我一個「維園栢芝」!(設計對白)

忽然去片

「維園霆鋒」龍心 有佢咁癲時又邊夠佢搞笑!

2012年07月06日 ~~ 第884期 忽然1周

「維園霆鋒」龍心自拍嗰啲出位短片熱爆網絡,紅到成為 Online Game代言人,媽咪姐咁 in梗睇過啦!仲次次笑到癲。估唔到今期《忽周》搵到佢做訪問,影埋段片,仲搞笑!嗱嗱嗱,話你知,佢喺餐廳狂歌熱舞、頭髮亂了嗰段已經係碎料,重點係佢後尾只着 under,搵出屋企一代藏書,逐本講解,仲有重點推介㖭!亂中有序,動靜皆宜,點夠你癲?










《忽周》睇真啲正片唔好 miss!

一睇愛上人狗樂游游


嘩!好得意呀!好傻豬呀!媽咪姐唔係十八廿二,但睇完呢段狗狗同主人喺全港最大室內水池游水嘅短片,把聲都不期然變番少女 key!咁你見到啲狗仔擺晒 pose坐船、驚驚青青試水溫,稍為有愛心嘅人都會忍唔住想錫佢哋一啖啦!一於帶我寶貝 BoBo去玩下,嚟個下水禮先。





Yumiko受傷奇遇記


Yumiko喺泰國為好姊妹應采兒慶祝生日,樂極生悲,離奇墮樓,好彩大步檻過!睇片見到佢雖然戴晒頸箍坐輪椅,但精神唔錯,又有心情叫應采兒幫手影相,仲記得微微低頭,營造小臉效果㖭。媽咪姐即刻放心晒!



    stacylife 發表在 痞客邦 留言(0) 人氣()