呢排金剛喺司儀界撈得愈嚟愈掂,睇佢平時手戴「潛水撈」、耳戴兩卡鑽石耳環嘅行頭,就知佢有幾掂啦,理論上應該瞓覺都唔得閒先係,不過,咪睇佢咁忙,外形又黑黑實實,大大隻咁,就以為佢男人之家做大事就粗枝大葉,對家務事一竅不通,實情佢一得閒,竟然會有閒情逸致去超市買吓餸、買吓日用品咁,十足師奶仔一樣。

嗰日東姑喺尖沙咀一間大型超市撞正佢,就見住佢同一個男性友人喺度左揀右揀,聽到兩人一味用國語溝通,金剛仲好似對各種飲品、食品嘅牌子、價格好了解咁,對身邊友人係咁介紹,精打細算得佢吖,唔平、唔好嘅唔放入手推車,怕且連好多打慣「斧頭」嘅外傭、師奶,對住佢都自愧不如呀。

金剛去到超市,居然有師奶仔嘅一面,好識揀嘢格價嘅佢,買嘢細心又精打細算。

咪睇佢一個大男人,嗰日佢同個friend就幫自己置咗兩大袋又靚又抵嘅嘢食同日用品返閨。

金剛耳仔戴住嘅鑽石耳環,估計有成兩卡重,好火又好閃,燦爆眼。

以今時今日撈得咁掂嘅金剛嚟計,呢隻價值幾萬蚊嘅「潛水撈」,算平啦!

一口唔鹹唔淡嘅廣東話,勝在搞笑,博得唔少女性青睞,狂拉他合照。

金剛呢期出鏡率咁高,連去到超市都有人搵佢影相,你話係咪紅先?

文章標籤

創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(0) 人氣()