我呢個武則天真冇「飛士」!(設計對白)

媽咪姐

亞視台慶強國人都唔吼

2012年06月29日 ~~ 第883期 忽然1周

今年亞視 55周年台慶為咗遷就內地觀眾,特登喺北京舉辦,而且節目由頭到尾都係講普通話,亞視堅重視強國人。

表演節目方面,當然都係為強國人度身訂做,京劇、載歌載舞唔少得。起初媽咪姐以為強國人會睇得好開心,點知佢哋都悶到中途離場,由原本八成入座率驟跌至一、兩成。最慘係壓軸嘅馮寶寶,出場時觀眾走剩千幾人,表演完畢得番三幾百。面對如斯慘況,亞視好應該安排藝人唱番首〈空櫈〉應吓景。


亞視係威係勢花咗二千萬製作台慶騷,拜神時人才濟濟鬼咁齊心。不過有頭威冇尾陣,慘淡收場。


由於「技術故障」,扮演武則天嘅馮寶寶坐住花轎喺台上呆等十五分鐘(箭嘴)。其間現場觀眾不斷走人,完全唔俾面 BoBo姐專業嘅演出。

stacylife 發表在 痞客邦 留言(0) 人氣()