屢受情傷的不止張馨予一個,李彩華(Rain)近日再陷失戀之痛,跟拍拖一年多的圈外男友潘啟翀(Derek)分手!有傳男方為人愛蒲兼花心,與李詩韻過從甚密,令Rain徹底死心即時斬纜。另有指在賭場做疊碼仔的Derek因客仔走數,令做擔保的他變相欠巨債!Derek向女友借錢還債,但Rain一口拒絕而情變!

記者昨日致電Rain求證,她亦冷靜地直認分手,問到男友是否曾提出借巨款?她說:「大家唔喺埋一齊,佢嘅事唔想講咁多,大家努力工作!」Rain坦言每次拍拖都認真及投入,對於再受情傷,她說:「每次傷害都令我學識成長,希望主會保佑我,搵到一個適合自己嘅人!(今次遇人不淑?)過咗去唔想提。(有指佢好花心?)過咗去就唔講!(知唔知佢約李詩韻?)唔知亦唔想講。」

李彩華與Derek拍拖一年多,分手再一次受情傷。(資料圖片)

李彩華上月初仍被拍得與男友行街,但恩愛不再。(資料圖片)

全站熱搜

stacylife 發表在 痞客邦 留言(0) 人氣()