(台灣《蘋果日報》)

07年無牌醉駕撞死女護士林淑娟,林曉培負責支付所有殮葬費,再向死者家屬賠償 800萬台幣,當時林曉培強調呢個傷痛會跟佢一世,仲搞到有自殺傾向,後來靠信仰支持落去,不過始終戒唔甩酒癮,差 啲做埋殺狗兇手!

吐血絲

5年前無牌醉駕撞死女護士 嘅林曉培,當日聲淚俱下道歉答應以後唔飲酒,再密密登台出騷分期賠 800萬台幣俾死者家屬,早排終於還清條數重新做人,點知林曉培又再酒後生事。
6月 17日晚上,林曉培同朋友到基隆路「大眾酒場 TOKU」開餐飲日本清酒,兩杯到肚,林曉培發現居酒屋入面有隻 BB狗「犬太郎」,於是行埋去玩狗。當時老闆兼主人 Toku,聽到林曉培 喺度不斷重複咆哮:「你給我坐下!」,無幾耐「犬太郎」突然慘叫, Toku埋去見到狗狗吐血絲,於是即刻送院急救。
經醫生診斷,估計當時「犬太郎」俾人掩住鼻同口,加上呼吸唔到同受驚導致嘔吐,而嘔吐物因未能吐出而倒流,引致肺積水及吐血絲。

6月 10日先開始跟主人一齊去居酒屋「返工」招呼客人 嘅「犬太郎」,開工 7日就出事, X光片顯示肺部有積水,留醫期間更一度拒絕進食,好在而家已經逐漸康復,醫藥費使 咗 9千蚊台幣。

 

發酒癲

BB狗都唔放過,受千夫所指 嘅林曉培,辯稱當時只係篤住狗狗個鼻要佢學坐低,冇諗過會搞成咁!「犬太郎」主人 Toku都係半個圈中人,主持旅遊節目,佢自爆 10年前第一次見林曉培,差 啲俾佢摑一巴,又係因為飲醉酒,而「犬太郎」出事當晚,佢睇住林曉培連續飲 咗六七杯日本清酒後,直頭變 咗第二個人,眼神好兇狠,但就冇諗過佢會酒後虐狗,好在及時發現阻止,否則「犬太郎」分分鐘連命都冇!

 

stacylife 發表在 痞客邦 留言(0) 人氣()