以往愛情第一的 Mango,失戀後收拾心情,專心打理餐廳,日日在鋪頭打躉。

31歲 Mango(王秀琳),被台模白歆惠撬牆腳, Mango死心與台灣富二代唐堂斬纜後,賣樓賺 280萬; Mango將套現所得接近一半投資飲食業,與朋友合夥開日本料理,日日在餐廳打躉睇住盤生意,重新為未來打算。

冇人有錢

過去兩年, Mango為遷就男友唐堂( Donald),經常港台兩邊飛,有 job唔做,專心做跟得女友。事與願違,大半年前, Donald踏兩船暗交台模白歆惠,二人今年四月偷食斷正; Mango死心,分手返港。
早於今年三月, Mango趁樓市高峰,以九百二十萬成功售出她於○八年購入,位於黃竹坑道的寓所,賬面賺超過二百八十萬;投資獲利。
靠人不如靠己, Mango在朋友推動下,決定搞生意。「我以前 喺日本讀書,好鍾意食日本菜,都諗過搞串燒店,不過次次都唔成。」 Mango說,過去專心拍拖,好多事都唔上心,碰到今次機會,決定一搏。

 

唔驚貴租

與 Mango拍檔的朋友,在飲食生意方面有多年經驗,無論搵鋪定物色廚師都可以照顧到。
「我 哋專程去日本搵 咗做爐端燒最出名 嘅田舍家師傅過嚟,仲有個壽司師傅有三十年經驗,水準方面,可以好放心。」 Mango說。

 

中環開鋪租貴,但 Mango跟拍檔依然信心十足,投資七位數字開鋪。「我 哋用 咗三個月時間籌備間鋪,之前要試菜,傾裝修、入貨,好多 嘢做。」
鋪頭尚未正式開業,目前只試做晚市,但 Mango幾乎日日在鋪內打躉。
「我同拍檔分工,我負責監控食物質素,每日都會同經理、廚師開會,務求食物水準保持穩定,依家算係一邊學一邊做。」 Mango認為現時香港專注做爐端燒的日本料理雖然不多,有市場但同樣有競爭。
轉型做生意,對於幕前工作, Mango意興闌珊說:「有 啱 嘅都會做,其實都好心淡,所以我會俾心機搞好盤生意。」

 

stacylife 發表在 痞客邦 留言(0) 人氣()