Derek跟 Rain未甩拖前,二人在 IFC行街,不過當日他全程面黑黑,全程只顧向前行未有理女朋友。而日前跟李詩韻食晏,他又著住同一件粉紅色「溝女」 tee。

 

李彩華( Rain)與富貴男友潘啟翀( Derek)人前人後表現恩愛,但原來有苦自己知。早前 Derek兼職做疊碼仔,遭人走數千五萬,於是向女友求借千萬填氹, Rain一口拒絕後竟被狠撇。欠千萬街數,但 Derek繼續揸靚車溝女,日前還相約李詩韻等,到夜場 happy獻殷勤,再次遇人不淑的 Rain痛哭失聲說:「好失望!好心痛!好傷心!」

 

 

 

 

 

 

兼職疊碼仔

 

 

兩年前與從事保險業的王傲山分手後,李彩華去年三月與 Derek正式拍拖,兩人感情穩定, Rain曾一度放聲氣想嫁,以為終於搵啱對象,怎料兩人卻因財情變,分手收場。
「早排 Derek喺澳門兼職做疊碼仔,佢見阿 Rain細佬做疊碼仔好搵,諗住齊齊拍住上,拉到客就分佣。」知情人士說。
如 Derek所料,這份高薪兼職的確收入豐厚,轉眼間便有數百萬進賬,但好景不常,有次 Derek做中間人,介紹契妹的媽咪往澳門賭錢,結果輸掉一千五百萬無錢還。「佢做疊碼仔,客仔走數要上身, Derek要嘔番之前賺嗰幾百萬,仲要諗計搞掂剩低嗰一千萬。」
去年憑內地劇《回家的誘惑》翻生的李彩華,拍劇身價升至二十萬一集,連同廣告收入,豬籠入水,年前還先後買入兩個物業。見女友「疊水」,被人走數的 Derek,於是開口向 Rain求借千萬,但賭債難追, Rain擔心血汗錢一借無回頭,於是拒絕;點知 Derek無錢唔要人,當場發爛嗌分手。

 

 

 

 

 

 

夜蒲溝女

 

 

與 Derek拍拖一年多,表面幸福的 Rain,實際上要經常忍受 Derek的少爺脾氣和風流性格,孭住欠千萬街數的他,近日仍生活富貴,開着價值百萬的瑪莎拉蒂名車出入。日前, Derek相約李詩韻、莊思明、任葆琳等一班蒲界好友到中環開餐,之後再到夜場消遣直落。
「其實 Derek同阿 Rain拍拖嗰陣,照樣喺外面溝女,對李詩韻特別殷勤,仲主動幫佢搵到時裝做贊助。」知情人說。
備受情傷的 Rain,對於因財分手事件,只說:「好失望、好痛心,同埋好傷心。」提到 Derek轉追李詩韻,她開始失控:「同 Derek冇再聯絡!」之後痛哭失聲,收線不肯再作回應。

 

 

 

專吼女星

 

 

李彩華前度 Derek,現年 35歲,特別鍾情娛圈女星,先後跟陳年歌手李蕙敏以及有線主持譚凱琪拍拖,當年 Derek因在美國做生意,不時美、港兩邊飛,跟李蕙敏聚少離多導致分手。至於跟譚凱琪三年情突然玩完,有指是因為 Derek脾氣大,令已發展至同居關係的女友難以忍受,於是趁男方返美期間,執行李搬離愛巢,二人再見不是朋友。

 

 

 




放大圖片


譚凱琪


前度情場得意



Rain受盡情傷,反觀前度男友王傲山( Marcus)情場得意,二人分手後,王傲山先與亞視撰稿員 Karen Ng拍拖,之後搭上馬來西亞靚女;不久後又狂追有線娛樂新聞台女主播劉明軒,王傲山本想一腳踏兩船,但心水清的劉明軒堅持搞清關係,到王傲山飛甩馬來女友,今年初兩人才正式拍拖。
「劉明軒 mark得 Marcus好實,就算男友出外公幹,佢都會請假一齊去,今個月佢都陪咗 Marcus飛摩洛哥做嘢。」知情者說。
監視男友有一手的劉明軒,也試過失手。當年與恒生銀行創辦人何善衡孫兒何乃斌拍拖,兩人○三年聯名持有價值二千二百萬淺水灣道三號二千呎別墅,○九年分手,何乃斌入稟要求劉明軒歸還業權,當時法官建議雙方和解不果,去年劉明軒被判敗訴。
「劉明軒最初諗住有錢人怕煩,唔會糾纏,自己無 咗層樓都應該攞番筆錢,點知貪字得個貧,仲要俾多百幾萬律師費,好在男方嗰七百萬律師費唔使佢俾,唔係仲傷。」知情者透露。

 

 

 

 

 



放大圖片
 


何傲山跟李彩華分手後,被拍到拖 ATV撰稿員 Karen在雪糕店內狂嘴。

stacylife 發表在 痞客邦 留言(0) 人氣()