三父子一齊買乳酪雪糕過端午節,霆鋒抱實剪 咗個斜 cut頭 嘅 Quintus,大仔 Lucas就由司機抱高揀雪糕。

復出拍戲後票房四連仆 嘅張栢芝,唔想 嚟緊八月上畫 嘅《河東獅吼 2》衰埋做五連霸,趕 响上海國際電影節閉幕前谷新片,星期六(六月二十三日)端午節,都要丟低兩個仔飛上海。

男主角係國內有票房保證 嘅棟篤笑王小沈陽,如果《河 2》唔收得,栢芝真係冇得抵賴兼累街坊。最後一擊,栢芝配合晒電影公司開出 嘅宣傳工作,更大打親民牌,趁端午節,向傳媒派 糉做手信。
栢芝不復當年,記者會上有證明。大會安排兩個小妹妹上台獻花俾男女主角,點知兩個妹妹眼中只有小沈陽,送完花再送愛的抱抱,搞到旁邊冇花收冇得攬 嘅栢芝好尷尬。
媽咪要北上救亡,兩個仔仔,就同老豆霆鋒一齊過端午節。週六下午,三仔爺去灣仔買乳酪雪糕,霆鋒全程抱住兩歲細仔 Quintus,哥哥 Lucas就由司機抱實,四男一齊𠌥埋玻璃櫃睇吓要咩口味。
雖然三父子唔係一齊生活,但睇得出 Quintus好黐老豆,霆鋒講兩句,仔仔即刻笑到見牙唔見眼, Lucas又聽話,幫手攞雪糕上車,當日霆鋒任影唔嬲,唔似栢芝帶仔出街,叫人用強光電筒照住人部相機,淨係形象分,栢芝都輸晒啦!

 

stacylife 發表在 痞客邦 留言(0) 人氣()