12M單層巴士唔夠位過,吳卓羲依然賴死唔開車,幕後員工唯有幫拖打晒手勢幫巴士司機睇位,等後面 嘅車龍可以行得!

同你吟一吟

吳卓羲中環做路霸

 

上個禮拜一(六月十八日),吳卓羲為無 綫新劇《戀愛季節》現身中環擺花街拍外景。習慣揸住自己架百萬 Benz跑開工,吳卓羲唔怕周街泊車俾人抄牌,事關幕後工作人員會幫眼睇車,仲 keep埋車匙,方便走鬼。

幕後員工做埋泊車仔,仲會變身交通警指揮交通。話說當日一直落住雨,後來雨勢加劇,導演索性提早放飯。
大隊由擺花街踩落威靈頓街開飯,正值放工交通繁忙時間,吳卓羲一於少理,將架 Benz跑停 响鏞記對出 double park等位,其間有架 12M去柏道 嘅單層巴士唔夠位過,塞住晒後面 啲車。點知「唱 K」企硬做路霸,唔肯開車兜個圈,幕後員工唯有衝出去做指揮,幫巴士司機睇位。
揸車開工純粹方便自己,但搞到大塞車,又要幕後員工幫頭幫尾,吳卓羲都好自私!


唔肯開車兜多個圈,因為「唱 K」唔想冇 咗個位,泊架車 响鏞記出面,原來佢要幫襯係對面間翠華。




返上車攞 嘢,吳卓羲問幕後攞番條車匙,要幫羲少做埋泊車仔,係我就返公司嘈你!




一直落住毛毛雨,吳卓羲個髮型塌晒,但對面馬路幾位師奶妹妹仔,一樣影得好開心。

    stacylife 發表在 痞客邦 留言(0) 人氣()