同你吟一吟

蒙嘉慧素麵操伊健

 

拍拖超過六年,鄭伊健終於開咗張期票,明年一月同女友蒙嘉慧畫龜結婚。有望攞正牌做麵嫂,蒙嘉慧專心等嫁之餘,亦落足心機,照顧嚟緊八月喺紅館開個唱嘅未來老公。

上星期五(六月二十二日),《壹》仔响九龍城街市附近,見到麵嫂擺低伊健架 EK牌 Range Rover,唔理落住毛毛雨,一二三急急腳衝去永富買生果,再踩入台灣皇上皇買麵。
呢間鋪頭最出名嘅係紅燒古早牛肉麵,一包要賣七十幾蚊,不過蒙嘉慧另有心水,買素麵。應該同價錢平貴無關,伊健開騷前要操又要食營養餐,紅燒牛肉麵咁高熱高脂,唔啱佢。
蒙嘉慧湊鄭伊健,細心又夠耐性,破七年分手咒,有你嘅本事。


買完生果再去買麵,蒙嘉慧全程快買快俾錢。


落住毛毛雨,心急蒙嘉慧懶得擔遮。


點解咁急?架車求其擺低仲要 double park,好在冇俾人抄牌,買完開車閃。




YoYo今晚整咩食呢?(設計對白)
專心為八月個唱操 fit嘅伊健,有女友打點生活飲食,唔使自己操心。

    stacylife 發表在 痞客邦 留言(0) 人氣()