現年25歲的高海寧憑住一對34D巨乳,入行4年男友身家三級跳,由前度蚊型旅行社太子爺男友,換成最近的中年富豪。
邊個話波大一定冇腦?25歲TVB大乳牛高海寧入行4年,挺着34D巨乳做人,心水不知清過幾多姐仔小花,同旅行社太子爺Andy拍拖年半,成功避過TVB同傳傳媒耳目;人人以為Andy已經滿足MK妹高Ling「高富帥」三個願望,本刊收到獨家消息,原來人望高處,半年前高Ling偷偷換畫,A富豪新歡雖然冇舊愛咁高大威猛,不過身家就幾級跳,兼且極速以金屋安置高Ling。人望高處就梗㗎啦,唔通淨係靠電視台份人工咩?

 

 
08年參選港姐的高海寧,原名沈江莉,雖然三甲不入,勝在胸前偉大,由參選開始已經係宅男乳神,電視台自然順應民意,令高Ling成為旅遊、飲食及遊戲節目鐵膽show胸花瓶。出鏡率雖然係同輩姐仔三甲,不過電視台出名孤寒,高Ling出道兩年靠接商場騷即刻有米,豪換30萬寶馬新車,賺錢能力絕對冠絕三色台同輩小花。

撇高富帥
10年本刊爆出高Ling搭上旅行社太子爺Andy(丘至剛)年半,計落兩年前新車落地之時,正是與Andy撻着冇耐;兩年來多次表示單身,又同傳媒呻:「周圍飛唔得閒拍拖!」,還是被本刊撞破高Ling跟住Andy返男友深井家見家長;把口唔認,個人微博卻不斷抒發愛情感言,感情豐富。本刊最近收到消息,半年前,高Ling與Andy已經正式甩拖,新男友A富豪雖然不及Andy高大靚仔,不過生意就比Andy的父業旅行社仔大得多,出手亦更闊綽。7歲來港的潮州妹兼女人街bra檔養大的高Ling正式跳級,獨自搬往新豪宅。

愈黐愈豪
母親節前夕,高Ling曾經透露意見分歧激嬲母親:「近日發生咗一啲事,媽咪有兩日唔睬我,我已經好難受,媽咪講得有道理,知道佢想我好,希望我畀心機工作。」據知情人士透露,正是換畫決定令高母有不滿:「Andy屋企生意唔大,不過高媽不嬲都好鍾意佢,話晒外形高度都同個女襯,但新男友年紀大高Ling好多,外形又差一截,講真拍拖啫,人哋有幾多身家都好,又唔係一定畀個女,高媽媽都想個女諗真啲。不過高Ling好決絕,同埋兩母女一直感情好好,近排仲冇先兆下搬埋出去住,梗係唔滿意啦!不過高Ling新歡都錫高Ling,識咗半年已經畀佢住吓豪宅地段金屋,阿媽反對都冇符啦!」

電話密斟
記者連日跟蹤所見,正在趕拍新劇《法網狙擊》的高海寧,雖然戲分不多早早收工,但就再不見她如往常急急回家變裝會Andy,反而在外景場地消磨,或者約埋同劇一眾後生演員在將軍澳區宵夜歎糖水。不過雖然與同事打發時間,高Ling就擺明心不在焉,全程掉低同事密密斟電話。食完宵夜獨自駕車離開,高Ling亦身有屎地左望右望遊花園,一發現有被跟蹤可能,即時安全直驅旺角黑布街舊居掩人耳目,確保A富豪及新居不被曝光。週一(4日)下午6點半,Andy在旅行社收工後獨自登上開回元朗的小巴回家,對於記者所有分手問題一概充耳不聞。至於高Ling,記者同時致電一樣否認傳聞。 F:《FACE》 高:高海寧 F: 係唔係同Andy分咗手?高: 呢個問題我唔會答。 F: 傳聞你新男友係城中富豪?高: 吓?冇呀? F: 係咪搬咗去男朋友買畀你嘅新屋住,冇再住旺角呀?高: 我一直都住旺角,呢啲完全唔真實嘅消息,我係唔會答㗎!

咪神有價
有「咪神」之稱的高海寧,擁有34D驕人身材,巨咪有價,一向係綜藝節目中,靠咪挽收視的福將,出騷價亦企硬7至8萬,繼去年「泥漿乳後」,月前表演「飄移蕩奶」,事業線愈來愈長。

姐仔愛金龜
唔少姐仔花旦撈得咁上下,掛住名氣喺圈內外都容易物色富豪富二代。好彩嘅好似千億新抱徐子淇咁,廿幾歲就唔使憂,冇運嘅咪繼續捱世界,望釣金龜。

葉翠翠 有樓揸手
一向是非多的05年港姐冠軍葉翠翠,08年4月初被踢爆與內地億萬富商黄有龍拍拖,更被指獲黄包養及送贈兩個西半山賽西湖千萬豪宅,可惜同年年中被趙薇搶走金龜。

徐子珊 戀上名醫
當家花旦徐子珊,多年前曾傳出與殼王陳國強過從甚密,甚至被送贈千萬貝沙灣豪宅,上月本刊率先發現佢甩殼搭上眼科名醫謝偉業,謝醫生更一連4日留宿女方貝沙灣香閨,戀情終曝光。

陸詩韻 監躉男友
同樣係05年港姐亞軍陸詩韻,07年被拍到與監躉富豪曾文能同遊日本,更稱自己已見過曾媽媽,後傳因周汶錡介入而分手。其後再搭上欠債後大翻身的「油王」朱明,同陳法蓉拗手瓜。

張可頤 唔做闊太
43歲的張可頤,自08年與金融界有10億身家男友曾安邦拍拖後屢傳婚訊。不過直至去年,因男友迫退出生仔而分手,現為單身。 ####

 


A富豪 ●出手闊綽 ●愛大胸 ●送大樓


Blog爆寂寞與Andy戀情告終後,高Ling有不少愛情感言在微博發表。


31/5失戀孝順仔 Andy擁有父親(右)名下東南西北旅行社三成股份,年青有為,不過財力就比高Ling新歡蚊髀同牛髀。被女撇,上週四(5月31日)Andy收工後搵埋父母返屋企,做番寂寞孝順仔。


'11甜蜜逛街去年10月,是高海寧被拍到與Andy逛圓方,自此以後再不見二人同場出現。《忽然1周》圖片


'10男友家過夜 10年9月,高海寧被拍到跟住Andy往海韻花園寓所拜訪男友父母。


高海寧父母於旺角女人街擺檔賣純銀首飾,總算係自己生意吖!《壹週刊》圖片


4/6拒絕回答分手多月,週一(4日)被問到感情狀況,Andy木無表情不作答。


罕見保守正拍攝《法網狙擊》的高海寧,在劇中演一名法律界新人,演啲咁正經嘅角色,高Ling當然奉旨要着得密實啲啦!不過同梁烈唯的一場對手戲中,高Ling使出看家本領,胸壓唯唯。


上週六凌晨一點半,高海寧與一眾《法網狙擊》演員包括梁烈唯及坤哥吳業坤等人,收工後到將軍澳寶盈花園食糖水。


雞啄唔斷食完糖水,高海寧與同事們離開糖水鋪,不過高Ling邊行邊講電話,完全無視旁人,唔知係唔係同富貴男友報平安呢?


大膽裸照 08年參選港姐期間,曾流出一輯高海寧的裸照,一直否認相中人是自己的高海寧,最後在傳媒爭相追問下才坦白承認曾於參選前拍該輯相片。


胸襲象鼻 10年高海寧隨隊到泰國拍攝《美女廚房》,穿吊帶背心的她已經好夠睇頭,她還以34D力壓象鼻,搶晒!


泥漿出浴去年高海寧為無綫到斐濟拍攝《為食總司令》時,與陳庭欣一起浸泥漿溫泉,高Ling的泥漿乳即時K.O.咗陳庭欣。


飄移蕩奶 4月底播出的《五覺大戰》,高海寧以紫荊俠造型參加「飄移會」。她以開胸性感打扮在賽車上袋米,飄移蕩奶,再成高登熱話。


《忽然1周》圖片


《壹週刊》圖片


《忽然1周》圖片

    tvb4life 發表在 痞客邦 留言(0) 人氣()