蔡慧敏的睡房約三百多呎,以紫色為主調,配合其雙魚座的浪漫性格。牀頭櫃放有不少水晶擺設,愛天使如命的她,差不多每個角落也發現天使蹤跡。
星悅居 96年落選港姐蔡慧敏(Joey),愛以性感形象示人,憑其36F澎湃上圍吸引過不少男人埋身,經典作莫過於酒店啜爆小雪前夫陳迅元和公園醉擒楊紫瓊細佬楊南日。
作為男人尤物,蔡慧敏睡房理應引人遐想,但當她回到以維多利亞式設計,位於貝沙灣的千六呎粉紫色香閨,卻搖身變番個良家婦女,「開工時要幾性感都好,返到屋企我會做番自己,着衫好causal。」

 
蔡慧敏04年11月以六百八十一萬購入貝沙灣一期的千六呎單位,如今樓價已升值三倍,超過二千萬,不過她仍然堅持唔放盤,全因她自入住上址後,好運接踵而來。「之前搵咗吳佩孚睇風水,師傅話間屋向西南面海,會行足廿年大運。我搬咗入嚟後好少病痛,間屋都幾旺我,外地嘅司儀、嘉賓工作keep住有得做。」

擺設風水陣
平日愛以性感打扮示人的蔡慧敏,一向有胸露胸,有罅露罅,唔少男士亦曾中招。不過當她一返回香閨,即由性感辣妹變身為良家婦女,對住個無敵海景睇小說、雜誌,享受人生。鬼妹仔性格的她,於歐陸式家居中,亦刻意設下不少風水陣:「師傅喺屋企擺咗幾個風水陣,雖然同裝修唔係咁襯,不過為咗催旺運氣,都乖乖照做啦。」

嚮往外國feel
蔡慧敏入伙初期,豪擲百多萬裝修兼添置家具。「最初搵咗兩個幫過周星馳、古天樂嘅設計師幫手,不過唔啱心水。我喺澳洲讀大學,好鍾意外國人嘅田園feel,特別喜愛紫襯白,呢兩隻色襯埋一齊,配合田園嘅浪漫氣氛。搬入呢間屋後,我開始慢慢喺日本、歐洲搵啲復古喱士、古董電話、噴水池、天使公仔同雕花家具返嚟,跟住阿妹幫我手布置。」由於大件家具較難遇到心頭好,蔡慧敏索性到跑馬地、灣仔一帶搵師傅訂做。「我有參考外國啲雜誌,屋企衣櫃、梳化椅同兩盞水晶燈都係訂做,咁先啱心水。」 ####

 


露台放有不少紫白色鬱金香絲花作點綴,貫徹紫色風格。


露台面向西南無敵大海景, 風水師傅表示可以行足廿年大運,難怪古天樂、張家輝及徐子珊等明星都在此居住。


這張紫色絲絨貴妃椅,是蔡慧敏心頭好,她花了兩萬元參照外國雜誌訂做。


套房擺放不少陶瓷擺設,大部分是從歐洲搜購回來的戰利品。


睡房中有數盞水晶燈飾 ,原來唔止蔡慧敏的內衣褲有喱士,連燈罩布亦有。


蔡慧敏笑稱自己平日愛幻想,浴室擺放了一座畫了花紋圖案的巨型梳妝櫃。「呢個櫃喺灣仔嗰條傢俬街買嘅,望到第一眼已經鍾意,即使開價萬二蚊, 都即刻扑槌買。」


人生中第一對Golf鞋,她自稱是一位德高望重的長輩所送,會經常珍而重之拿出來抹淨。


因為藏有過千對名牌靚鞋的關係,她把工人房改裝成鞋室,每日請兩個鐘點女傭打掃。


雖然買了三大個衣櫃放置靚衫,仍不夠擺放衣物, 蔡慧敏惟有再在睡房闢了一個迷你衣帽間。記者一推開門, 放眼都是喱士和毛毛衫珍藏。


蔡慧敏表示風水師傅認為客廳是全屋中的財位,她閒時喜愛坐在此財位嘆茶,沾染一身旺氣。


藍色雕花陶瓷茶具套裝,是蔡慧敏在英國一見愛上的,價值約三千多元。


曾在澳洲讀書的蔡慧敏,喜歡模仿當地人家中有火爐的傳統,所以她特地訂做一個作裝飾。


客廳放了兩個座地陶瓷擺設,右邊的天使噴泉池,具有生財之意。


全屋掛牆畫多以天使及花束作主題,是蔡慧敏儲了多年的收藏品。


寬敞的客廳面積足足有五百多呎,兩盞水晶燈全是Swarovski水晶製造,價值十二萬。


白色天使雕花電視櫃,是蔡慧敏特別到跑馬地找師傅訂做, 價值約萬多元, 為客廳增添不少優雅感。


遵從師傅提點,在梳化後放置一對象擺設,下墊兩張一千蚊紙,用作鎮宅之用。



    stacylife 發表在 痞客邦 留言(0) 人氣()