最近唔少男星聽到「艷照」兩字都彈開九尺遠,不過仲有一班肌男冇有怕,紛紛喺微博騷肌示威。原來洪天明由細裸到大,小時露點,大時騷紋身。最搞鬼就係俾劉公子點名有影過相嘅馮德倫同吳彥祖,都湊熱鬧互放肉照。猛男肉照,媽咪姐都俾個like!

洪天明由細裸到大
洪天明最近不時喺微博騷紋身同背肌,話明背肌當然冇「露點」睇,所以佢亦放埋露點照益大家(下圖)。當年佢得十歲左右,已經同兩個細佬坐遊艇出海,左一條石斑,右一隻龍蝦,好富貴喎!

馮德倫 吳彥祖互爆陰毒
劉定成爆料話影過馮德倫同吳彥祖,佢兩個例牌否認,不過就喺微博互相玩踢爆。馮德倫先發功上載吳嘅「姣照」,笑佢識擺甫士。吳彥祖亦唔執輸,轉頭放咗馮德倫數年前行騷嘅半裸照,仲將相「退地」,估唔到佢執相有一手喎!

方力申豐胸成功
早前方力申着住件加細碼Tee,同明星足球隊練波,事後俾鬼馬嘅林敏驄影咗相,仲笑小方食咗豐胸丸。查實小方全靠有星級健身教練杜德智one on one指導,想豐胸?搵杜德智啦!

張晉任睇唔嬲
蔡少芬為人大方,經常放老公張晉嘅大隻相上微博公諸同好。最近Ada為賀張晉生日,大晒老公嗰排朱古力腹肌,又真係幾結實喎衰鬼! ####


 


杜德智



文章標籤

stacylife 發表在 痞客邦 留言(0) 人氣()