球星陳肇麒(陳七)本月中背住女友Toby(劉雅婷)與23歲嫩模Emily(張可義)到時鐘酒店爆房,結果陳七被南華解約、女友飛掉成雙失,自此潛水不見人。反而與他爆房的Emily勇氣可嘉,昨日出席公開活動,口震震強調與陳七爆房沒事發生。


陳七與女友Toby的好友Emily去天后時鐘酒店爆房,事後Toby嗌分手兼怒罵Emily是卑鄙賤女人。陳七的事業亦因而跌至谷底,南華足球隊與他解約,他又稱要冷靜而放棄加入香港足球代表隊,此後再沒公開露面,反而女主角Emily比他更勇,昨日身穿bra top及短裙在尖沙嘴出席商業活動。

「房入面冇事發生」
據悉Emily有望加盟Model One公司,成為Jessica C.師妹,似乎她因禍得福。昨日問她與陳七是否曾開房?她點頭說:「係同佢出街食飯,正常朋友交往,嗰日喺房入面冇事發生,我有同屋企人交代過件事,佢哋知我為人係點。」有記者取笑她在房內100分鐘是否在房裏下棋?她口震震說:「私人嘢唔回應。」 Emily撇清與陳七關係說:「我家係單身,我唔清楚陳七係咪回復單身,呢件事後冇同佢聯絡,對於佢成為雙失,我實在唔方便評論,但我以後會帶眼識人。」提到Toby罵她是卑鄙賤女人?Emily說:「冇睇報紙,唔知咁多嘢!」

Toby暫原諒陳七
Toby知道情敵Emily公開露面,她昨日接受電話訪問時說:「人哋要搵食,爆房事件後,陳七有打過畀我,但Emily唔敢搵我啦,我都唔想同佢做朋友,但對於陳七,我暫時原諒佢,但一唔一齊返要畀啲時間。」Toby明顯擔心陳七爆房事件後變雙失,她心軟說:「我唔想見到佢咁。」Emily強勢蒲頭勾起Toby傷心事,據知她為此喊個不停。採訪:林嘉慈 攝影:葉君海


Emily稱在爆房事件後,沒再與陳七聯絡。


Emily聲稱與陳七開房期間沒事發生,被取笑在房內下棋。


陳七當日與Emily爆房,可能他沒想過會因而變成雙失。 資料圖片


性感打扮的Emily風騷出席活動,一提起爆房即口震震。

李綺雯挺陳七寸Mia

 

 
球星陳肇麒(陳七)的舊愛「妹」李綺雯昨日與謝雪心,在清水灣一個碼頭拍攝無綫新劇《情越海岸線》,對於陳七被南華棄用,又自願退出足球港隊,妹避談說:「分手後都好耐冇聯絡。」曾與陳七傳緋聞的媽模Mia寸爆他應入煙草業,妹不屑地說:「大家都係做呢行,點解咁講人,呢個世界山水有相逢,唔需要落井下石。」

心姐跳海
昨日劇情是講述心姐誤以為女兒李詩韻墮海,但其實是暗戀黃浩然的妹為取回訂情信物而跳水。妹說:「我有玩三項鐵人賽,心姐仲犀利,以前玩過渡海泳,所以我哋拍兩、三個take就完成。」撰文:丁安


游泳健將妹(左)與心姐拍跳海戲,輕易完成。

創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(0) 人氣()